ରାମ ମନ୍ଦିର ସୁରକ୍ଷାର ଦାୟିତ୍ୱ ନେବେ ୟୁପିଏସଏସଏଫ, ଏନଏସଜି କମାଣ୍ଡୋଙ୍କ ଭଳି ନେଇଛନ୍ତି ଟ୍ରେନିଂ
02 ନୂଆଦିଲ୍ଲୀ,୭।୧: ଜାନୁଆରୀ ୨୨ରେ ଅନୁଷ୍ଠିତ ରାମ ଲାଲାଙ୍କ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ, ରାମ ମନ୍ଦିର ଏବଂ ଉତ୍ତରପ୍ରଦେଶର ଅଯୋଧ୍ୟାରେ ନିର୍ମିତ ଆନ୍ତର୍ଜାତୀୟ ବିମାନବନ୍ଦର ପାଇଁ ୟୁପିଏସଏସଏଫ ସୁରକ୍ଷା ଦାୟୀତ୍ୱ ନେବ। କ୍ୟାବିନେଟରେ ଏହି ପ୍ରସ୍ତାବ ପାରିତ ହେବା ପରେ ୨୦୨୦ରେ ଉତ୍ତରପ୍ରଦେଶ ସ୍ବତନ୍ତ୍ର ସୁରକ୍ଷା ବଳ ଗଠନ କରାଯାଇଥିଲା ଏବଂ ଗତ ୨ ବର୍ଷ ଧରି ୟୁପିଏସଏସଏଫ ବିଭିନ୍ନ ସ୍ଥାନରେ ସୁରକ୍ଷା ଦାୟିତ୍ୱ ଗ୍ରହଣ କରିଆସୁଥିଲା। ଅଯୋଧ୍ୟା ବିମାନବନ୍ଦର ହେଉଛି ପ୍ରଥମ ବିମାନବନ୍ଦର ଯେଉଁଠାରେ କେବଳ ୟୁପିଏସଏସଏଫ ସୁରକ୍ଷା ଯୋଗାଉଛି, ରାମ ମନ୍ଦିରର ସୁରକ୍ଷା ମଧ୍ୟ ୟୁପିଏସଏସଏଫ ହାତରେ ଅଛି।
ଉତ୍ତରପ୍ରଦେଶରେ ଅନେକ ସମ୍ବେଦନଶୀଳ ଏବଂ ଧାର୍ମିକ ସ୍ଥାନ ଅଛି। ଏହି ଗୁରୁତ୍ୱପୂର୍ଣ୍ଣ ସ୍ଥାନଗୁଡ଼ିକୁ ଧ୍ୟାନରେ ରଖି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନିଜେ ୨୦୨୦ରେ UPSSF ଗଠନ କରିଥିଲେ। ଉତ୍ତରପ୍ରଦେଶର ସ୍ବତନ୍ତ୍ର ସୁରକ୍ଷା ବଳ ଉତ୍ତରପ୍ରଦେଶର ସମସ୍ତ ଧାର୍ମିକ ସ୍ଥାନ ତଥା ସମ୍ବେଦନଶୀଳ ଅଞ୍ଚଳର ସୁରକ୍ଷା ଦାୟିତ୍ୱ ତୁଲାଉଛି। ସେଠାକାର ସମସ୍ତ ମେଟ୍ରୋ ଷ୍ଟେଶନରେ ୟୁପିଏସଏସଏଫ ମଧ୍ୟ ନିୟୋଜିତ ହୋଇଥିଲା ଏବଂ ବର୍ତ୍ତମାନ ସେଠାରେ ୧୨ ବିମାନବନ୍ଦରରେ ୟୁପିଏସଏସଏଫ କର୍ମଚାରୀଙ୍କୁ ମଧ୍ୟ ଦେଖିବାକୁ ମିଳିବ। ଏହା ସହିତ ଅଯୋଧ୍ୟାରେ ନିର୍ମାଣ ହେଉଥିବା ରାମ ମନ୍ଦିର ଏବଂ ଅଯୋଧ୍ୟା ବିମାନବନ୍ଦରର ଦାୟିତ୍ୱ ମଧ୍ୟ ୟୁପିଏସଏସଏଫକୁ ଦିଆଯାଇଛି। ୟୁପିଏସଏସଏଫ ନିଜେ ଏକ ସ୍ବତନ୍ତ୍ର ସୁରକ୍ଷା ବଳ ଯାହା ବିଶେଷ ସମ୍ବେଦନଶୀଳ ସ୍ଥାନରେ ନିୟୋଜିତ ହେବ।