ଓ୍ବାଶିଂଟନ,୧୦।୧: ହସ୍ ମନି ମାମଲାରେ ଡୋନାଲ୍ଡ ଟ୍ରମ୍ପଙ୍କ ଦଣ୍ଡାଦେଶକୁ ସ୍ଥଗିତ ରଖିବା ପାଇଁ ସୁପ୍ରିମକୋର୍ଟରେ କରାଯାଇଥିବା ଆବେଦନକୁ କୋର୍ଟ ଖାରଜ କରିଦେଇଛନ୍ତି। ଏହି ନିଷ୍ପତ୍ତି ଟ୍ରମ୍ପଙ୍କ ଆଇନଗତ ସମସ୍ୟାକୁ ଆହୁରି ବୃଦ୍ଧି କରିଛି। ପର୍ଣ୍ଣ ଷ୍ଟାର ଷ୍ଟର୍ମି ଡାନିଏଲସଙ୍କୁ ୧.୩ ଲକ୍ଷ ଡଲାର ଦେବା ମାମଲାରେ ଟ୍ରମ୍ପଙ୍କୁ ଦୋଷୀ ସାବ୍ୟସ୍ତ କରାଯାଇଛି। ସୁପ୍ରିମକୋର୍ଟ ଖଣ୍ଡପୀଠ ଟ୍ରମ୍ପଙ୍କ ଆବେଦନକୁ ଖାରଜ କରି ଦେଇଛନ୍ତି ଏବଂ ଶୁକ୍ରବାର ବିଚାରପତି ଜୁଆନ ଏମ ମର୍ଚାନଙ୍କୁ ଦଣ୍ଡ ଘୋଷଣା କରିବାକୁ ଅନୁମତି ଦେଇଛନ୍ତି।
ହସ୍ ମନି ମାମଲାରେ, ଡୋନାଲ୍ଡ ଟ୍ରମ୍ପଙ୍କ ବିରୁଦ୍ଧରେ ଅଭିଯୋଗ ହୋଇଛି ଯେ ସେ ୨୦୦୬ରେ ଷ୍ଟର୍ମି ଡାନିଏଲସଙ୍କ ସହିତ ତାଙ୍କ ସମ୍ପର୍କକୁ ଲୁଚାଇବା ପାଇଁ ତାଙ୍କୁ ହସ ମିନି ଦେବାକୁ ଚେଷ୍ଟା କରିଥିଲେ। ଟ୍ରମ୍ପ ଏହି ଅଭିଯୋଗଗୁଡ଼ିକୁ ଅସ୍ବୀକାର କରିଛନ୍ତି। ନ୍ୟୁୟର୍କ କୋର୍ଟ ଟ୍ରମ୍ପଙ୍କୁ ରାଷ୍ଟ୍ରପତିଙ୍କ ସରକାରୀ କାର୍ଯ୍ୟ ନୁହେଁ, ବରଂ ତାଙ୍କ ବ୍ୟକ୍ତିଗତ ବ୍ୟାପାର ସହିତ ଜଡିତ ବ୍ୟବସାୟିକ ରେକର୍ଡ ଜାଲିଆତିର ୩୪ଟି ଅଭିଯୋଗରେ ଦୋଷୀ ସାବ୍ୟସ୍ତ କରିଛନ୍ତି।
ଏହି ମାମଲାର ଶୁଣାଣି କରୁଥିବା ବିଚାରପତି ଜୁଆନ ଏମ ମର୍ଚାନ ପୂର୍ବରୁ କହିଥିଲେ ଯେ ଟ୍ରମ୍ପଙ୍କୁ ଦଣ୍ଡ ଦିଆଯିବ, କିନ୍ତୁ ସେ ତାହା ଦେବେ ନାହିଁ। ସେମାନଙ୍କୁ ଜରିମାନା ମଧ୍ୟ ଦିଆଯିବ ନାହିଁ। ତଥାପି, ଏହି ସମୟରେ ଟ୍ରମ୍ପଙ୍କ ଓକିଲମାନେ ଦଣ୍ଡକୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଏବଂ ଭୁଲ ବୋଲି କହିଛନ୍ତି। ସେ କହିଛନ୍ତି ଯେ ଏହି ମାମଲା ଯୋଗୁଁ ରାଷ୍ଟ୍ରପତି ହେବାର ପ୍ରକ୍ରିୟା ବାଧାପ୍ରାପ୍ତ ହୋଇପାରେ। ଟ୍ରମ୍ପଙ୍କ ଓକିଲ ଡି ଜନ ସ୍ବାୟର କୋର୍ଟରେ ଯୁକ୍ତି ଦର୍ଶାଇଥିଲେ ଯେ ଟ୍ରମ୍ପଙ୍କ ଆବେଦନର ଶୁଣାଣି ନହେବା ପର୍ଯ୍ୟନ୍ତ ଦଣ୍ଡାଦେଶକୁ ସ୍ଥଗିତ ରଖାଯିବା ଉଚିତ, ଯାହା ଦ୍ୱାରା ସେ ରାଷ୍ଟ୍ରପତି ହେବା ପ୍ରକ୍ରିୟାରେ କୌଣସି ସମସ୍ୟାର ସମ୍ମୁଖୀନ ନ ହୁଅନ୍ତି।