ଜୋହାନ୍ସବର୍ଗ, ୧୯ା୮ (ପି.ଟି.)-ବେରେସ୍ଫୋର୍ଡ ଓ୍ବିଲିୟମ୍ସ କ୍ରିକେଟ ଦକ୍ଷିଣ ଆଫ୍ରିକା (ସିଏସ୍ଏ)ର କାମଚଳା ସଭାପତି ଭାବେ ମନୋନୀତ ହୋଇଥିବାବେଳେ କାମଚଳା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଜ୍ୟାକ୍ସ ଫାଉଲ୍ ତାଙ୍କ ପଦବୀରୁ ଇସ୍ତଫା ପ୍ରଦାନ କରିଛନ୍ତି। ଅଗଷ୍ଟ ୧୫ରେ ସଭାପତି ପଦବୀରୁ କ୍ରିସ୍ ନେନ୍ଜାନୀଙ୍କ ଇସ୍ତଫା ଦେବା ପରେ ଏହା ଘଟିଛି। ଓ୍ବିଲିୟମ୍ସ ସେପ୍ଟେମ୍ବର ୫ରେ ବୋର୍ଡର ବାର୍ଷିକ ସାଧାରଣ ବୈଠକ ପର୍ଯ୍ୟନ୍ତ ସଭାପତି ରହିବେ। ଜଣେ ପ୍ରଶାସକ ଭାବେ ଓ୍ବଲିୟମ୍ସଙ୍କର ଦୀର୍ଘ ୨୫ବର୍ଷର ଅଭିଜ୍ଞତା ରହିଛି। ସିଏସଏରେ ଯୋଗଦାନ ପୂର୍ବରୁ ସେ ଓ୍ବେଷ୍ଟର୍ନ କ୍ରିକେଟ ଆସୋସିଏଶନର ସଭାପତି ଥିଲେ। ଫାଉଲଙ୍କ କାର୍ଯ୍ୟକାଳ ସେପ୍ଟେମ୍ବର ୧୫ରେ ଶେଷ ହୋଇଥାନ୍ତା। ଭ୍ରଷ୍ଟାଚାର ଅଭିଯୋଗରେ ତତ୍କାଳୀନ କାର୍ଯ୍ୟନିର୍ବାହୀ ଅଧିକାରୀ ଥବାଙ୍ଗ ମୋରୋଇ ସସ୍ପେଣ୍ଡ ହେବାପରେ ଡିସେମ୍ବରରେ ଫାଉଲ ନିଯୁକ୍ତି ପାଇଥିଲେ।