ବାଲେଶର ଅଫିସ,୨୭।୫: ବାତ୍ୟା ୟାସ୍ ପ୍ରଭାବରେ କ୍ଷୟକ୍ଷତି ହୋଇଥିବା ଅଞ୍ଚଳକୁ ପରିଦର୍ଶନ କରି ଯୁଦ୍ଧକାଳୀନ ଭିତ୍ତିିରେ ସମସ୍ତ ଆବଶ୍ୟକ ସେବା ଯୋଗାଇ ଦେବାକୁ ସରକାର ଓ ପ୍ରଶାସନ ପକ୍ଷରୁ ଉଦ୍ୟମ କରାଯାଉଛି। ଏହିକ୍ରମରେ ଗୁରୁବାର ଖାଉଟି ଯୋଗାଣ ଏବଂ ସମବାୟ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ବାଲେଶ୍ୱର ଗସ୍ତ କରି କ୍ଷୟକ୍ଷତି ଅନୁଧ୍ୟାନ କରିଛନ୍ତି। ବାଲେଶ୍ୱର ସହର ଅରଡ଼ ବଜାର ମସଜିଦ ଗଳି ଏବଂ ବିଭିନ୍ନ ଅଞ୍ଚଳର ଘର ଉପରେ ଗଛ ପଡ଼ିଯାଇଥିବା ଖବର ପାଇ ପୂର୍ବାହ୍ନରେ ମନ୍ତ୍ରୀ ରଣେନ୍ଦ୍ର ପ୍ରତାପ ସାଙ୍ଗରେ ନିଜସ୍ବ ଏକ ଗଛ କଟା ଟିମ୍କୁ ନେଇ ସେଠାରେ ପହଞ୍ଚିଥିଲେ। ମନ୍ତ୍ରୀଙ୍କ ସହ ସଦର ବିଧାୟକ ସ୍ବରୂପ କୁମାର ଦାସ ସେଠି ମଧ୍ୟ ଉପସ୍ଥିତ ଥିଲେ। ଏହାପରେ ଗାଁରେ ଗଛକଟା କାର୍ଯ୍ୟକୁ ତ୍ୱରାନ୍ବିିତ କରାଯାଇଥିଲା। ଏଥିସହ ରଣେନ୍ଦ୍ର ପ୍ରତାପ ବିଜୁଳିତାର ଖୁଣ୍ଟ, ରାସ୍ତା ଏବଂ ଅଞ୍ଚଳର କ୍ଷତିଗ୍ରସ୍ତ ହୋଇଥିବା ଘରଗୁଡ଼ିକୁ ବୁଲି ଦେଖି ଲୋକମାନଙ୍କ ସହିତ ଆଲୋଚନା କରଛନ୍ତି।