ଦୁନିଆରେ ଏମିତି ଅନେକ ବ୍ୟକ୍ତି ଅଛନ୍ତି, ଯେଉଁମାନଙ୍କ ପାଖରେ ଟଙ୍କା, ପୋଷାକ କିମ୍ବା ଘର ନ ଥାଏ ସତ, କିନ୍ତୁ ବଡ଼ ହୃଦୟ ଥାଏ। ଆଜିର ସମୟରେ ଆମେ ସବୁକିଛିର ଉଦାହରଣ ସୋସିଆଲ ମିଡିଆ ମାଧ୍ୟମରେ ଦେଖିବାକୁ ପାଇଥାଉ। ନିକଟରେ ସେମିତି ଏକ ଭିଡିଓ ଭାଇରାଲ ହୋଇଛି। ଭିଡିଓରେ ଜଣେ ଗରିବ ଲୋକ ରାସ୍ତା କଡ଼ରେ ବସି ପିଜ୍ଜା ଖାଉଥିବାବେଳେ ହଠାତ୍ ଜଣେ ଯୁବକ ସେଠାରେ ପହଞ୍ଚିଥିଲେ। ଯୁବକ ତା ’ପାଖରେ ବସି ପିଜ୍ଜା ତାଙ୍କୁ ମାଗନ୍ତି। ଗରିବ ଲୋକଟି ନିଜ ବାକ୍ସରୁ ଏକ ପିଜ୍ଜାର କିଛି ଅଂଶ ବାହାର କରି ସଙ୍ଗେ ସଙ୍ଗେ ଯୁବକଙ୍କୁ ଦେଇଥିବାର ଦେଖାଯାଏ।
ପିଜ୍ଜା ଖାଉ ଖାଉ ଯୁବକ ଜଣଙ୍କ ତାଙ୍କ ସହ କଥା ହେବା ଆରମ୍ଭ କରେ।କିଛି ସମୟ ପରେ ସେ ନିଜ ସ୍ଥାନରୁ ଉଠି ପର୍ସରୁ ନୋଟ ବିଡା ବାହାର କରି ଗରିବ ଲୋକଙ୍କ ପାତ୍ରରେ ରଖି ଦେଇ ଚାଲିଯାନ୍ତି। ଗରିବ ଲୋକ ଏହା ଦେଖିବା ମାତ୍ରେ ସେ ଅତ୍ୟନ୍ତ ଭାବପ୍ରବଣ ହୋଇ ଖୁସିରେ କାନ୍ଦିବାକୁ ଲାଗିଥିଲେ। କିଛି ସେକେଣ୍ଡର ଭିଡିଓ ମାନବିକତାର ଏକ ଉଦାହରଣ ଦେଇଛି। ଦାରିଦ୍ର୍ୟରେ ମଧ୍ୟ ସେ ଖାଦ୍ୟର ଅଂଶକୁ ଏକ ଅଜ୍ଞାତ ଯୁବକ ସହିତ ବାଣ୍ଟିଥିଲେ, ଏହାର ପ୍ରତିବଦଳରେ ଯୁବକ ଟଙ୍କା ଦେଇଥିଲେ।
ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏହି ଭିଡିଓକୁ ଆଇଏଫଏସ ଅଧିକାରୀ ସୁଶାନ୍ତ ନନ୍ଦ ତାଙ୍କ ଅଫିସିଆଲ ଟୁଇଟର୍ର ଆକାଉଣ୍ଟରେ ଶେୟାର କରିଛନ୍ତି।