ମୁମ୍ବାଇ, ୩୦।୪ : ଆଇପିଏଲ୍ ସିଜିନ୍ର ୧୫ତମ ସଂସ୍କରଣର ୪୩ ତମ ମ୍ୟାଚ୍ରେ ଶନିବାର ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍ସିବି) ଗୁଜରାଟ ଟାଇଟନ୍ସ(ଜିଟି) ବିପକ୍ଷରେ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି। ମହାରାଷ୍ଟ୍ର ମୁମ୍ବାଇର ବ୍ରେବୋର୍ନ ଷ୍ଟାଡିୟମ୍ରେ ଖେଳାଯାଉଥିବା ଏହି ମ୍ୟାଚ୍ରେ ଆରସିବି ପକ୍ଷରୁ ଅଧିନାୟକ ଫାଫ ଡୁ ପ୍ଲେସିସ ଟସ ଜିଣିବା ପରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଜିଟିର ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱରେ ଟିମ୍ ବୋଲିଂ ଆରମ୍ଭ କରିଥିଲେ। ନିର୍ଦ୍ଧାରିତ ୨୦ ଓଭରରେ ଆର୍ସିବି ୬ ଓ୍ବିକେଟ ହରାଇ ୧୭୦ ରନ୍ କରିଛି। ଫଳରେ ଜିଟି ପାଇଁ ବିଜୟ ଲକ୍ଷ୍ୟ ୧୭୧ ରନ୍ ରହିଛି।
ଆର୍ସିବି ପକ୍ଷରୁ ବିରାଟ କୋହଲି ୫୩ ବଲ୍ରେ ୫୮ ରନ୍ କରିଥିବାବେଳେ ଅଧିନାୟକ ଫାଫ ଡୁ ପ୍ଲେସିସ୍ ଖାତା ଖୋଲି ପାରି ନ ଥିଲେ। ରଜତ ପଟିସାର ୩୨ ରନ୍ରେ ୫୨ ରନ୍ କରିଥିଲେ। ସେହିପରି ଗ୍ଲେନ୍ ମ୍ୟାକ୍ସଓ୍ବେଲ ୧୮ ବଲ୍ରେ ୩୩ ରନ୍ ଏବଂ ଦିନେଶ କାର୍ତ୍ତିକ ୩ ବଲ୍ରେ ୨ ରନ୍ କରିଥିଲେ।
