ମୁମ୍ବାଇ, ୨୬।୩ : ଆଇପିଏଲ୍ ସିଜିନ୍ ୧୫ର ପ୍ରଥମ ମ୍ୟାଚ୍ରେ ଚେନ୍ନାଇ ସୁପର କିଙ୍ଗ୍ସ(ସିଏସ୍କେ) ଏବଂ କୋଲକାତା ନାଇଟ ରାଇଡର୍ସ(କେକେଆର୍) ମୁମ୍ବାଇର ଓ୍ବାଙ୍ଖେଡ୍ ଷ୍ଟାଡିୟମ୍ରେ ମୁହାଁମୁହିଁ ହୋଇଛନ୍ତି। ଟସ୍ ଜିତି କେକେଆର୍ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିବାବେଳେ ସିଏସ୍କେ ୫ ଓ୍ବିକେଟ ହରାଇ ୧୩୧ ରନ୍ କରିଛି। କେକେଆର୍ ପାଇଁ ବିଜୟ ଲକ୍ଷ୍ୟ ୧୩୨ ରନ୍ ରହିଛି।
ସିଏସ୍କେ ପକ୍ଷରୁ ମହେନ୍ଦ୍ର ସିଂ ଧୋନୀ ୩୮ ବଲ୍ ଖେଳି ଦଳ ପକ୍ଷରୁ ସର୍ବାଧିକ ୫୦ ରନ୍ କରିଛନ୍ତି। ସେ ୭ ଟି ଚୌକା ଏବଂ ଗୋଟିଏ ଛକା ମାଧ୍ୟମରେ ନିଜର ଅର୍ଦ୍ଧ ଶତକ ପୂରଣ କରିଥିବାବେଳେ ରବିନ୍ଦ୍ର ଜାଡ଼େଜା ୨୮ ବଲ୍ରେ ୨୬ ରନ୍ କରିଛନ୍ତି। ରବିନ୍ଦ୍ର ଗୋଟିଏ ଛକା ମାରିଛନ୍ତି।