ନୂଆଦିଲ୍ଲୀ,୧୯ା୧୨: ଧିରେ ଧିରେ ଥଣ୍ଡା ବୃଦ୍ଧି ପାଇବାରେ ଲାଗିଛି। ଦିଲ୍ଲୀ ସମେତ ଅନେକ ରାଜ୍ୟରେ ଥଣ୍ଡା ଏବଂ ଘନ କୁହୁଡ଼ିର ମାତ୍ରା ଏବେ ଦେଖାଯାଉଛି। ଘନ କୁହୁଡ଼ି ସମଗ୍ର ଉତ୍ତର ଭାରତକୁ ଘୋଡ଼ାଇ ଦେଉଛି। ରବିବାର ରାତିରୁ ଉତ୍ତରପ୍ରଦେଶ, ପଞ୍ଜାବ, ବିହାର ଏବଂ ହରିୟାଣା ସମେତ ଦିଲ୍ଲୀ-ଏନ୍ସିଆରରେ କୁହୁଡ଼ି ଦେଖିବାକୁ ମିଳିଛି।
ଭାରତ ପାଣିପାଗ ବିଭାଗ (ଆଇଏମଡି) ପକ୍ଷରୁ ଏହି ସବୁ ରାଜ୍ୟରେ ୟେଲୋ ଓ୍ବାର୍ନିଂ ଜାରି କରାଯାଇଛି। ହିମାଚଳ ପ୍ରଦେଶ, ଉତ୍ତରପ୍ରଦେଶ, ପଞ୍ଜାବ, ହରିୟାଣା, ଚଣ୍ଡିଗଡ଼, ଦିଲ୍ଲୀ ଏବଂ ପୂର୍ବ-ପଶ୍ଚିମ ରାଜସ୍ଥାନରେ ଶୀତର ଲହରି ଜାରି ରହିବ। ଦିଲ୍ଲୀ-ଏନ୍ସିଆର, ୟୁପି ଏବଂ ପଞ୍ଜାବ-ହରିୟାଣାରେ ସପ୍ତାହ ପାଇଁ ଘନ କୁହୁଡ଼ିର ସତର୍କ ସୂଚନା ରହିଛି। ଏଥି ସହିତ ଆସନ୍ତା ଦିନରେ ଥଣ୍ଡା ଆହୁରି ବୃଦ୍ଧି ପାଇବ ବୋଲି ଆଶା କରାଯାଉଛି।
