ନୂଆଦିଲ୍ଲୀ,୧୯ ।୩: ଭାରତ ସମେତ ଗ୍ଲୋବାଲ ସ୍ତରରେ ଆଇଟି ସେକ୍ଟରରେ ଛଟେଇ ଅଭିଯାନ ଜାରି ରହିଛି । କୌଣସି ନା କୌଣସି କମ୍ପାନୀ ଲୋକଙ୍କୁ ଚାକିରିରୁ ଛେଟେଇ କରୁଛନ୍ତି । ଗତ ବର୍ଷ ଅପେକ୍ଷା ଚଳିତ ବର୍ଷ ଅଧିକ କର୍ମଚାରୀଙ୍କୁ ଛଟେଇ କରାଗଲାଣି । ଏବେ ଆଉ ଏକ ବଡ ଆଇଟି କମ୍ପାନୀ ପୁଣିଥରେ ଏହି ତାଲିକାରେ ସାମିଲ ହେବାକୁ ଯାଉଛି ।
ସୂଚନା ଅନୁଯାୟୀ, ୱିପ୍ରୋ ପ୍ରାୟ ୧୨୦ ଜଣ କର୍ମଚାରୀଙ୍କୁ ପୁଣି ବାହାରର ରାସ୍ତା ଦେଖାଇ ଦେଇଛି । ହେଲେ ଏହାର ପ୍ରଭାବ ଭାରତରେ ନାହିଁ । କିଛି ମିଡିଆ ରିପୋର୍ଟ ଅନୁଯାୟୀ, ଆମେରିକାର ୧୨୦ କର୍ମଚାରୀଙ୍କ ଚାକରି ଚାଲିଯାଇଛି । ଚାକିରିରୁ ଛଟେଇ କରିବାର ନିଷ୍ପତ୍ତି କମ୍ପାନୀ ବ୍ୟବସାୟୀକ ଆବଶ୍ୟକତାକୁ ପୁରଣ କରିବାକୁ ନିଆଯାଇଛି । ଏଥର ୧୦୦ରୁ ଅଧିକ ପ୍ରୋସେସିଂ ଏଜେଣ୍ଟଙ୍କର ଚାକିରି ଯାଇଛି । ଏଥିରେ ଜଣେ ଟିମ ଲିଡର ଓ ଜଣେ ଟିମ ମ୍ୟାନେଜର ରହିଛନ୍ତି ।
