ଭଦ୍ରକ ଅଫିସ,୧୯।୫: ଭଦ୍ରକ ଜିଲା ବନ୍ତ ବ୍ଲକ ଏରଝାଟିଆଠାରେ ଥିବା ପ୍ରସିଦ୍ଧ ସାବିତ୍ରୀ ପୀଠରେ ଶୁକ୍ରବାର ପବିତ୍ର ସାବିତ୍ରୀ ଅମାବାସ୍ୟା ଅବସରରେ ସଧବା ବ୍ରତଧାରୀ ମହିଳାଙ୍କ ଭିଡ଼ ଲାଗିଛି l ବ୍ରତଧାରୀ ମା’ମାନେ ମା’ସାବିତ୍ରୀଙ୍କ ପାଖରେ ଫଳ, ଫୁଲ, ନୂଆ ଶାଢୀ, ଶଙ୍ଖା, ନୈବେଦ୍ୟ ଅର୍ପଣ କରି ଦୀପଜାଳି ସ୍ବାମୀଙ୍କ ଦୀର୍ଘାୟୁ ଜୀବନ କାମନା କରିଛନ୍ତି। ଜିଲା ତଥା ଜିଲା ବାହାରୁ ହଜାର ହଜାର ସଂଖ୍ୟାର ସଧବା ପୂଜାର୍ଚ୍ଚନା କରିବା ପାଇଁ ପୀଠରେ ଧାଡିରେ ଠିଆ ହୋଇଛନ୍ତି। ସାବିତ୍ରୀ ପୀଠରେ ବିଭିନ୍ନ ପ୍ରକାର ଦୋକାନ ପଡ଼ିଥିବା ବେଳେ ଶାନ୍ତି ଶୃଙ୍ଖଳା ପାଇଁ ବନ୍ତ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ଶ୍ରଦ୍ଧାଳୁଙ୍କ ପାଇଁ ମନ୍ଦିର କମିଟି ଓ ବିଭିନ୍ନ ସ୍ବେଛାସେବୀ ସଙ୍ଗଠନ ପକ୍ଷରୁ ଜଳଛତ୍ର ଖୋଲାଯାଇ ଦହୀ ସର୍ବତ ବଣ୍ଟନ କରାଯାଉଛି।