ବର୍ନ,୨୨।୯: ସ୍ବିଜରଲ୍ୟାଣ୍ଡରେ ନିଷିଦ୍ଧ ହୋଇଛି ବୁର୍କା। ବୁଧବାର ଦେଶରେ ରହୁଥିବା ମୁସଲମାନ ସମ୍ପ୍ରଦାୟକୁ ଏକ ବଡ଼ ଝଟ୍କା ଦେଇ ସଂସଦର ନିମ୍ନ ଗୃହ ବୁଧବାର ବୁର୍କା ନିଷିଦ୍ଧ ସପକ୍ଷରେ ମତ ଦେଇଛନ୍ତି। ତେବେ ଉଲ୍ଲଂଘନକାରୀଙ୍କ ପାଇଁ ୧୦୦୦ ଫ୍ୟାଙ୍କ(ପ୍ରାୟ ୧୧୦୦ ଡଲାର) ପର୍ଯ୍ୟନ୍ତ ଜରିମାନା ମଧ୍ୟ ଧାର୍ଯ୍ୟ କରାଯାଇଛି। ଏହି ଆଇନ ସପକ୍ଷରେ ନ୍ୟାଶନାଲ କାଉନସିଲ ୧୫୧-୨୯ ଭୋଟ ଦେଇଛି, ଯାହା ସିନେଟ୍ ଦ୍ୱାରା ଅନୁମୋଦିତ ହୋଇସାରିଥିଲା। ତେବେ ଏହି ସ୍ବିସ୍ ନିୟମ କେବଳ ପୂଜାସ୍ଥଳକୁ ଛାଡ଼ି ଅନ୍ୟ ସବୁ ସ୍ଥାନରେ ଲାଗୁ ହେବ। ଏଥିରେ ସର୍ବସାଧାରଣ ସ୍ଥାନ ତଥା ବେସରକାରୀ ଅଟ୍ଟାଳିକା ଆଦିରେ ମହିଳାଙ୍କୁ ନାକ, ପାଟି ଏବଂ ଆଖି ଆଦିକୁ ଘୋଡ଼ାଇବାକୁ ବାରଣ କରାଯାଇଛି।
