ନୂଆଦିଲ୍ଲୀ, ୩୦।୮: ଜନ୍ମର ମାତ୍ର ୬ ମାସ ମଧ୍ୟରେ ଗୋଟିଏ ମେଷ ଛୁଆ ବିଶ୍ୱର ସବୁଠାରୁ ମହଙ୍ଗା ମେଷ ବନିଯାଇଛି। ସ୍କଟ୍ଲାଣ୍ଡରେ ଆୟୋଜିତ ହୋଇଥିବା ଏକ ନିଲାମୀରେ ଏହି ମେଷ ଛୁଆ ୩ ଲକ୍ଷ ୬୭ ହଜାର ୫୦୦ ପାଉଣ୍ଡରେ ବିକ୍ରି ହୋଇଥିଲା। ଭାରତୀୟ ମୁଦ୍ରାରେ ଯାହାକି ପାଖାପାଖି ସାଢ଼େ ୩ କୋଟି ଟଙ୍କାର ହେବ ବୋଲି ଜଣାପଡ଼ିଛି। ଏହି ମେମନେ ପ୍ରଜାତିର ମେଷ ନେଦରଲାଣ୍ଡସର ଟେକ୍ସାସରର ଏକ ଛୋଟ ଦ୍ୱୀପରୁ ଆସିଥାଏ। ମେଷ ସୋସାଇଟିର ରିପୋର୍ଟ ମୁତାବକ ଏହି ବିରଳ ପ୍ରଜାତିର ମେଷକୁ ଡବଲ୍ ଡାଏମଣ୍ଡ କୁହାଯାଇଥାଏ। ଏହି ପ୍ରଜାତିର ମେଷ ପତଳା ମାଂସ ପାଇଁ ଅର୍ଥାତ୍ କମ୍ ଚର୍ବିଯୁକ୍ତ ମାଂସ ଏବଂ ହୋସେରୀ ସୂତା ପାଇଁ ବ୍ୟବହୃତ ହୋଇଥାଏ। କୁହାଯାଉଛି ଯେ, ଜନ୍ମସ୍ଥାନ, ଶରୀରର ଉତ୍କୃଷ୍ଟ ଆକୃତି ଓ ଆକର୍ଷଣୀୟ ଡାଏମଣ୍ଡ ରଙ୍ଗ ଏହି ମେଷ ଛୁଆ ମହଙ୍ଗା ହେବାର କାରଣ ଅଟେ। ନିଲାମୀରେ ପୂର୍ବରୁ ୨୦୦୯ରେ ଗୋଟିଏ ମେଷ ୨ ଲକ୍ଷ ୩୦ ହଜାର ପାଉଣ୍ଡରେ ବିକ୍ରି ହୋଇଥିଲା।