ମୁମ୍ବାଇ,୧୦ା୭: ମହାରାଷ୍ଟ୍ରର ସାଙ୍ଗଲି ଜିଲାରୁ ଏକ ଭିଡିଓ ଭାଇରାଲ ହୋଇଛି, ଯେଉଁଥିରେ ଜଣେ କରୋନା ରୋଗୀ ଡ୍ୟାନ୍ସ କରିବା ସହ ଚିକେନ ମାଗୁଛନ୍ତି। ଆକ୍ରାନ୍ତ ଜଣକ କୋଭିଡ୍ ସେଣ୍ଟରରେ ଥିଲେ। ସେଠାରେ ତାଙ୍କୁ ଖାଦ୍ୟ ଅର୍ଥାତ୍ ଚିକେନ ବହୁ ପସନ୍ଦ ଆସିଥିଲା। ତା’ପରେ ସେ ଚିକେନ ନ ଖାଇ ଘରକୁ ଯିବାକୁ ମନା କରିଦେଇଥିଲେ। ଚିକେନ ମାଗିବା ସହ କୋଭିଡ୍ ସେଣ୍ଟରରେ ଡ୍ୟାନ୍ସ କରିବା ଆରମ୍ଭ କରିଥିଲେ।
ପ୍ରକୃତରେ କରୋନାରୁ ସୁସ୍ଥ ହେବା ପରେ ମଧ୍ୟ ଏହି ବ୍ୟକ୍ତି କୋଭିଡ୍ ସେଣ୍ଟର ଛାଡ଼ି ଯିବାକୁ ପ୍ରସ୍ତୁତ ନୁହନ୍ତି। ଯାହା ଶୁଣି
କୋଭିଡ୍ କେୟାର ସେଣ୍ଟରର କର୍ମଚାରୀମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ଉକ୍ତ କୋଭିଡ୍ କେୟାର ସେଣ୍ଟରରେ ରୋଗୀମାନଙ୍କୁ ଶୀଘ୍ର ସୁସ୍ଥ ହେବା ପାଇଁ ପୁଷ୍ଟିକର ଖାଦ୍ୟ ଦିଆଯାଏ। ସାଙ୍ଗଲିର ଏହି ରୋଗୀ ଜଣକୁ ଏଠାକାର ପୁଷ୍ଟିକର ଖାଦ୍ୟ ଖୁବ୍ ପସନ୍ଦ ଆସିଥିଲା। ଯେଉଁଥିପାଇଁ ସେ ଚିକେନ ନ ଦେଲେ କୋଭିଡ୍ କେୟାର ସେଣ୍ଟର ଛାଡ଼ି ଘରକୁ ଯିବେ ନାହିଁ ବୋଲି ଜିଦ୍ ଧରିଥିଲେ। ଏହି ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।