ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହୋଇଥାଏ। କିଛି ଭିଡିଓ ଦେଖିଲେ ଆଶ୍ଚର୍ଯ୍ୟ ଲାଗେ। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଜଣେ ବ୍ୟକ୍ତି ଏକ ବାଇକ୍ ସିଟ୍ ଉପରେ ବସିଛନ୍ତି ଏବଂ ବାଇକ୍ଟି ମନକୁ ମନ ଚାଲୁଛି। ଖୁବ୍ ତୀବ୍ର ବେଗରେ ବାଇକ୍ଟି ରାସ୍ତାରେ ଗଡୁଛି। ଏହା ବିନା ଚାଳକରେ ଚାଲୁଛି। ଭିଡିଓଟିକୁ ବିଶିଷ୍ଟ ଶିଳ୍ପପତି ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ଶେୟାର କରିଛନ୍ତି।
Love this…Musafir hoon yaaron… na chalak hai, na thikaana.. https://t.co/9sYxZaDhlk
— anand mahindra (@anandmahindra) October 20, 2021
ଭିଡିଓଟି କେଉଁଠିକାର ତାହା ସ୍ପଷ୍ଟ ହୋଇନାହିଁ। ବାଇକ୍ରେ ବସିଥିବା ବ୍ୟକ୍ତିଙ୍କୁ ଜଣେ ଲୋକ ପଚାରୁଛନ୍ତି ଏହା କେମିତିକା ଯାଦୁ। କିନ୍ତୁ ସେ ଏହାର ଉତ୍ତର କିଛି ଦେଉନାହାନ୍ତି। ବାଇକ୍ ଖୁବ୍ ଜୋରରେ ଚାଲିଯାଉଛି।
ଭିଡିଓଟିକୁ ମହିନ୍ଦ୍ରା ଗ୍ରୁପ୍ର ଚେୟାରମ୍ୟାନ ଆନନ୍ଦ ମହିନ୍ଦ୍ରା ଶେୟାର କରି କ୍ୟାପଶନ ଲେଖିଛନ୍ତି, ଲଭ୍ ଦିସ୍, ନା ଚାଳକ ନା ଠିକଣା। ଏହାକୁ ବର୍ତ୍ତମାନ ସୁଦ୍ଧା ୫.୫୪ ଲକ୍ଷରୁ ଅଧିକ ଲୋକ ଦେଖିସାରିଲେଣି।
