ବୋରିଗୁମ୍ମା,୧୪ା୫: ସ୍ତ୍ରୀ ଏବଂ ୫ ବର୍ଷର ଶିଶୁପୁତ୍ରକୁ ନିର୍ମମ ଭାବେ ଟାଙ୍ଗିଆରେ ହାଣି ହତ୍ୟା କରିବା ପରି ଏକ ଦୁଃଖଦ ଘଟଣା ଘଟିଛି କୋରାପୁଟ ଜିଲା ବି.ସିଂହପୁର ଥାନା ଅଧୀନ ହର ଗ୍ରାମରେ। ଗ୍ରାମବାସୀ ହତ୍ୟାକାରୀ ସ୍ବାମୀକୁ ବାନ୍ଧି ବି.ସିଂହପୁର ପୋଲିସ ଜିମା ଦେଇଛନ୍ତି।
ଖବରରୁ ଜଣାପଡ଼ିଛି, ଏହି ଗ୍ରାମରେ ଧୁବୁଲୁ ମୁଦୁଲି ତାଙ୍କର ସ୍ତ୍ରୀ ଓ ପୁଅକୁ ଧରି ରହୁଥିଲେ। କୌଣସି କାରଣକୁ ନେଇ ଗୁରୁବାର ରାତିରେ ଧୁବୁଲୁ ଓ ତାଙ୍କ ସ୍ତ୍ରୀ ଡମୁଣୀଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ଗଣ୍ଡଗୋଳ ପରେ ଡମୁଣୀ ନିଜ ୫ବର୍ଷର ପୁଅଙ୍କୁ ଧରି ପାଖ ଗ୍ରାମରେ ଥିବା ନିଜ ବାପ ଘରକୁ ଚାଲିଯିବାକୁ ବାହାରିଥିଲେ। ଧୁବୁଲୁ ତାଙ୍କୁ ନ ଯିବାକୁ କହିଥିଲେ। ଡମୁଣୀ ନ ଶୁଣିବାରୁ ନିଶାଗ୍ରସ୍ତ ଅବସ୍ଥାରେ ଧୁବୁଲୁ ଘରେ ଥିବା ଟାଙ୍ଗିଆରେ ଡମୁଣୀ ଏବଂ ଶିଶୁପୁତ୍ରକୁ ହାଣି ହତ୍ୟା କରିଥିଲେ। ଗ୍ରାମବାସୀ ଘଟଣା ସମ୍ପର୍କରେ ଜାଣିବା ପରେ ହତ୍ୟାକାରୀ ଧୁବୁଲଙ୍କୁ ଘରେ ବାନ୍ଧି ରଖି ପୋଲିସକୁ ଖବର ଦେଇଥିଲେ। ପୋଲିସ ପହଞ୍ଚତ୍ବା ପରେ ଧୁବୁଲୁଙ୍କୁ ହସ୍ତାନ୍ତର କରିଥିଲେ। ଥାନା ଅଧିକାରୀ ଦାମୋଦର ବିହାରୀ ସାଇଣ୍ଟିଫିକ ଟିମ୍ ସହ ପହଞ୍ଚତ୍ ଘଟଣାର ତଦନ୍ତ ଆରମ୍ଭ କରିଛନ୍ତି।
