ବ୍ରହ୍ମପୁର,୨୯।୧(ସ୍ମୃତି ରଞ୍ଜନ ମହାଲିକ): ବ୍ରହ୍ମପୁର ମହାନଗର ନିଗମ (ବିଇଏମସି) ପକ୍ଷରୁ ବୁଧବାର ଆୟୋଜିତ ସାଧାରଣ ବୈଠକରେ ଷ୍ଟାଣ୍ଡିଙ୍ଗ କମିଟି ଚେୟାରମେନ ନିର୍ବାଚନ ପ୍ରକ୍ରିୟାରେ ଚୟନ କରିବା ଦାବି ନେଇ ୨ କର୍ପୋରେଟର ଗୋଷ୍ଠୀ ମୁହାଁମୁହିଁ ହୋଇଛନ୍ତି। ଅନ୍ୟାନ୍ୟ ମହାନଗରରେ ନିର୍ବାଚନ ହେଉଛି। ଏଣୁ ବ୍ରହ୍ମପୁର ମହାନଗର ନିଗମରେ ମଧ୍ୟ ନିର୍ବାଚନ ପ୍ରକ୍ରିୟାରେ ଚେୟାରମେନ ଚୟନ ପାଇଁ ଦାବି କରିଥିଲେ। ଦାବିକୁ ନେଇ ମହିଳା କର୍ପୋରେଟରମାନେ ଧାରଣା ଦେଇଥିଲେ। ଏପରିକି ମହିଳା କର୍ପୋରେଟରମାନେ ମଧ୍ୟ ମୁହାଁମୁହିଁ ହୋଇଥିଲେ। ପରେ ବିଇଏମସି ମେୟର ସଂଘମିତ୍ରା ଦଳେଇ ଆଇନ ଅନୁଯାୟୀ ତର୍ଜମା ପରେ ପଦକ୍ଷେପ ଗ୍ରହଣ କରାଯିବ ବୋଲି କହିବା ପରେ ପରିସ୍ଥିତି ଶାନ୍ତ ପଡିଥିଲା।
