ସଞ୍ଚୟ କରିବା ଭଲ କଥା, ମାତ୍ର ଜଣେ ବ୍ୟକ୍ତି ସଞ୍ଚୟ ପ୍ରକ୍ରିୟାର ମାତ୍ରା ଯଦି ଅଧିକ ହୋଇଯାଏ ତେବେ ଏହି ବ୍ୟକ୍ତିଙ୍କୁ ସମାଜରେ ଲୋକେ କଞ୍ଜୁସ ହିଁ କହିଥାନ୍ତି। ଏମିତି ଜଣେ ମହିଳାଙ୍କୁ ଦେଖିବାକୁ ମିଳିଛି ବ୍ରିଟେନରେ।
ଏକଥା ଆମେ କହୁନୁ। ମହିଳା ଜଣଙ୍କ ସୋସିଆଲ ମିଡିଆରେ ଏକ ଭିଡିଓ କରି ଦେଖାଇଛନ୍ତି। ଯାହାକୁ ଦେଖିବା ପରେ ୟୁଜରମାନେ ତାଙ୍କୁ କଞ୍ଜୁସ୍ ବୋଲି କହିଛନ୍ତି। ମହିଳା ଜଣଙ୍କ କହିଥିଲେ, ଘରେ ଟଏଲେଟ ପେପର କିଣିବା ସେ ବନ୍ଦ କରି ଦେଇଛନ୍ତି। ଏହା ପରିବର୍ତ୍ତେ ସେ ନିଜର ଏକ ଟଏଲେଟ୍ ରୋଲ୍ କପଡ଼ାରେ ତିଆରି କରିଛନ୍ତି। ଯାହାକୁ ଧୋଇ ପୁନର୍ବାର ବ୍ୟବହାର କରାଯାଇପାରିବ।
ଟିକ୍ଟକ୍ରେ ଏହାର କୌଶଳ ବର୍ଣ୍ଣନା କରି ମହିଳା ଜଣଙ୍କ କହିଥିଲେ, ସେ ଟଙ୍କା ସଞ୍ଚୟ କରିବାର ଏକ ଉପାୟ ପାଇଛନ୍ତି । ଏହି ଉପାୟଟି ଟଏଲେଟ୍ ପେପର ରୋଲ୍ କିଣିବାରୁ କେମିତି ମୁକ୍ତି ପାଇବେ ତାହା ଉପରେ ମୋର ଏହି ଭିଡିଓଟି। ସେ ତାଙ୍କ ପରିବାର ପାଇଁ ଏକ ପୁନଃ ବ୍ୟବହାର ଯୋଗ୍ୟ ଟଏଲେଟ୍ ପେପର ତିଆରି କରିଛନ୍ତି, ଯାହାକୁ ସେମାନେ ପ୍ରତିଦିନ ଧୋଇଥାନ୍ତି। ଏହିପରି ଭାବରେ ତାଙ୍କର ଟଙ୍କା ମଧ୍ୟ ସଞ୍ଚୟ ହୁଏ ଏବଂ ସେ ଟଏଲେଟ୍ ପେପର କିଣିବାରୁ ବଞ୍ଚିତ।
ଶାନନ ରୋଜ୍ ନାମକ ଏହି ମହିଳା ଜଣକ ୨ଟି ସନ୍ତାନର ମା’। ସୋସିଆଲ ମିଡିଆରେ ତାଙ୍କର ବହୁତ ସଂଖ୍ୟାରେ ଫଲୋଅର୍ସ ଅଛନ୍ତି। ଏହି କାଗଜକୁ ସେ ପୁରୁଣା କପଡ଼ାରୁ ତିଆରି କରିଛନ୍ତି, ଯାହାକୁ ସେ ପ୍ରତିଦିନ ସଫା କରନ୍ତି। ସେ କହିଥିଲେ, କାଗଜ ବଦଳରେ ପାଣି ଏବଂ କପଡ଼ା ବ୍ୟବହାର କରନ୍ତି। ଯାହାକୁ ସେ ପ୍ରତିଦିନ ଧୋଇ ଶୁଖାଇଥାନ୍ତି।
ଶାନନଙ୍କ ଏହି ଭିଡିଓକୁ ବର୍ତ୍ତମାନ ସୁଦ୍ଧା ୨ ଲକ୍ଷରୁ ଅଧିକ ଥର ଦେଖାଯାଇଛି। ସେ କହିଛନ୍ତି, ଏହା ବ୍ୟତୀତ ସେ କପଡ଼ାର ପୁନଃ ବ୍ୟବହାର ଯୋଗ୍ୟ ସାନିଟାରୀ ଟାଓ୍ବେଲ ମଧ୍ୟ ତିଆରି କରିଛନ୍ତି। ସେ ଟୁଥପେଷ୍ଟ୍ ବଦଳରେ କପଡ଼ା ଟିସୁ ବ୍ୟବହାର କରନ୍ତି। ଅନେକ ଲୋକ ତାଙ୍କ ଧାରଣାକୁ ପ୍ରଶଂସା କରିଥିବାବେଳେ କିଛି ଲୋକ ଏହାକୁ ଅଜବ ବୋଲି କହିଥିଲେ। ଜଣେ ୟୁଜର ଲେଖିଛନ୍ତି, ଏହାକୁ ସେ ମଧ୍ୟ ଗ୍ରହଣ କରିବେ। ଆଉ ଜଣେ ୟୁଜର ଲେଖିଛନ୍ତି, ଏହା ଏକ ଉପହାସ।