ଲଣ୍ଡନ,୧୧ା୧୧: ବ୍ରିଟେନର ଜଣେ ମହିଳା ଅର୍ଥ ହଡ଼ପ କରିଥିବା ଅଭିଯୋଗରେ ଗିରଫ ହୋଇଛନ୍ତି। ଏହି ମହିଳା ନିଜକୁ ଜଣେ କର୍କଟ ରୋଗୀ କହି ଅନ୍ଲାଇନ ଯୋଗେ ପାଣ୍ଠି ମାଗୁଥିଲେ। ଆଉ ଏହି ପାଣ୍ଠି ପାଇବା ପରେ ସେ ଅନ୍ଲାଇନ ଜୁଆ ସମେତ ଏହି ଟଙ୍କାରେ ଖୁବ୍ ମଉଜ ମଜଲିସ କରୁଥିଲେ। ଏହା ଜଣାପଡ଼ିବା ପରେ ତାଙ୍କୁ ଭାରି ପଡ଼ିଛି।
୪୨ ବର୍ଷୀୟା ନିକୋଲଙ୍କ ପ୍ରତି ଏହି ଅଭିଯୋଗ ଆସିଥିଲା। ସେ ‘ଗୋ ଫଣ୍ଡ୍ ମି’ ପେଜ୍ରେ ନିଜକୁ କର୍କଟ ରୋଗରେ ଆକ୍ରାନ୍ତ ମହିଳା ବୋଲି ସୂଚନା ଦେଇଛନ୍ତି। ଏଥିରେ ନିକୋଲ ତାଙ୍କର ଏକ ଫଟୋ ମଧ୍ୟ ଲଗାଇଥିବା ଦେଖିବାକୁ ମିଳିଛି। ଯେଉଁଥିରେ ସେ ବହୁତ ଦୁର୍ବଳ ଦେଖାଯାଉଛନ୍ତି ଏବଂ ଘୋଡ଼େଇ ହୋଇ ଶୋଇଛନ୍ତି।
ଯଦିଓ ଏହି ଫଟୋ କର୍କଟ ରୋଗ ସହିତ ଜଡ଼ିତ ନୁହେଁ, କିନ୍ତୁ ଯେତେବେଳେ ସେ ତାଙ୍କ ଗଲ୍ ବ୍ଲାଡର ରିମୁଭ୍ କରିଥିଲେ। ଏହି ଫଟୋଟି ଅପରେଶନ ସମୟର ଅଟେ। ନିକୋଲ କର୍କଟ ରୋଗ ନାଁରେ ୪୫ ହଜାର ପାଉଣ୍ଡ ପାଣ୍ଠି ସଂଗ୍ରହ କରିଥିଲେ। ନିକୋଲଙ୍କୁ ୩୯ ଜଣ ଏହି ଅର୍ଥ ଦାନ କରିଥିଲେ।
ଏହି ମାମଲାରେ ଓକିଲ ବେନ ଇରଓ୍ବି୍ନ କହିଛନ୍ତି ଯେ, ନିକୋଲ ତାଙ୍କ ଅୟସ ଜୀବନଶୈଳୀକୁ ବଜାୟ ରଖିବା ପାଇଁ କହିଥିଲେ। ଓକିଲ କହିଛନ୍ତି ଯେ, ସେ ସେହି ଟଙ୍କାକୁ ତାଙ୍କ କର୍କଟ ଚିକିତ୍ସା ପାଇଁ ବ୍ୟବହାର କରିନାହାନ୍ତି, କିନ୍ତୁ ଫୁଟବଲ ମ୍ୟାଚ୍ ଦେଖିବା, ଭ୍ରମଣ, ଅନଲାଇନ ଜୁଆ, ରେଷ୍ଟୁରାଣ୍ଟ ବିଲ୍ ଏବଂ ଏୟାର ଟିକେଟ ସମେତ ସେ ଏହି ଅର୍ଥକୁ ଅନେକ କାର୍ଯ୍ୟରେ ଲଗାଇଥିଲେ।
ଏଥି ସହିତ ସ୍ତ୍ରୀ ରୋଗ ବିଶେଷଜ୍ଞ ନିକୋଲାସ ମୋରିସ ତଥା ନିକୋଲଙ୍କ ବନ୍ଧୁ ମଧ୍ୟ କହିଛନ୍ତି ଯେ, ନିକୋଲଙ୍କର କୌଣସି କର୍କଟ ରୋଗ ନାହିଁ ଏବଂ ସେ କେବେବି ତାଙ୍କର ରୋଗୀ ହୋଇ ନାହାନ୍ତି କିମ୍ବା ନିକୋଲ ତାଙ୍କ କ୍ଲିନିକ ପରିଦର୍ଶନ କରିନାହାନ୍ତି।