ମା’ ହେବାର ଅନୁଭୂତି ସବୁଠାରୁ ନିଆରା। ଏକ ଶିଶୁ ଜନ୍ମ ହେବା ପୂର୍ବରୁ ୯ ମାସ ମା’ ଗର୍ଭରେ ରହିଥାଏ। ଏହି ସମୟରେ ଶିଶୁର ଶରୀରର ସମସ୍ତ ଅଙ୍ଗ ବିକଶିତ ହୋଇଥାଏ। ୯ ମାସ ପରେ ସେ ମା’ ଗର୍ଭରୁ ବାହାରକୁ ଆସିଥାଏ। ଏହି ମସୟ ମଧ୍ୟରେ ମା’ ଶରୀରରେ ମଧ୍ୟ ଅନେକ ପରିବର୍ତ୍ତନ ହୋଇଥାଏ। କିନ୍ତୁ ଯୁକ୍ତରାଷ୍ଟ୍ର ଆମେରିକା ରହୁଥିବା ଜଣେ ମହିଳା ମାତ୍ର ୩ ଦିନରେ ଶିଶୁକୁ ଜନ୍ମ ଦେଇଛନ୍ତି। ପ୍ରକୃତ କଥା ହେଲା, ମହିଳାଜଣଙ୍କ ଶିଶୁକୁ ଜନ୍ମ ଦେବାର ୩ ଦିନ ପୂର୍ବରୁ ଜାଣିବାକୁ ପାଇଥିଲେ ଯେ, ସେ ଗର୍ଭବତୀ ଅଛନ୍ତି। ଯାହାକି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି।
ମହିଳାଜଣଙ୍କ ହେଲେ ଷ୍ଟେସି ଷ୍ଟିଭେନ୍ସ(୩୦)। ର୍ଗବତୀ ଥିବା ସେ ଅନୁଭବ ମଧ୍ୟ କରିପାରି ନ ଥିଲେ ବୋଲି କହିଛନ୍ତି। ଶେଷ ସମୟରେ କେବଳ ତାଙ୍କ ପାଦ ଫୁଲିବାକୁ ଲାଗିଲା। ତେଣୁ ସେ ପରୀକ୍ଷା କରାଇବାରୁ ଗର୍ଭବତୀ ଥିବା ଜଣାପଡ଼ିଥିଲା। ଏହାର ୨ ଦିନ ପରେ ସେ ଘର ବାହାରେ ଥିବାବେଳେ ଲେବର ପେନ୍ ଆରମ୍ଭ ହୋଇଥିଲା। ଆମ୍ବୁଲାନ୍ସରେ ହସ୍ପିଟାଲ ନେବା ରାସ୍ତାରେ ସେ ଏକ ଶିଶୁ ପୁତ୍ରକୁ ଜନ୍ମ ଦେଇଥିଲେ।
ଏ ନେଇ ଷ୍ଟେସି କୁହନ୍ତି, ତାଙ୍କର କିଛିଟା ଓଜନ ବୃଦ୍ଧି ପାଇଥିଲା। କିନ୍ତୁ ଲକ୍ଡାଉନ୍ ଯୋଗୁ ଏପରି ହୋଇଥିବା ସେ ଭାବିଥିଲେ। ଗର୍ଭବତୀ ଥିବା ଜାଣିବାର ମାତ୍ର ୩ ଦିିନ ପରେ ସେ ଶିଶୁକୁ ଜନ୍ମ ଦେଇଥିବା କହିଛନ୍ତି।
