ନିଜ କାର୍ଯ୍ୟକ୍ଷେତ୍ରର ଅଭିଜ୍ଞତା ସୋସିଆଲ ମିଡିଆରେ ବାଣ୍ଟିଛନ୍ତି ଜଣେ ମହିଳା କର୍ମଚାରୀ। ଯାହାକୁ ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ। ସେ କହିଛନ୍ତି, କାମ କରିବା ସମୟରେ ୮ମିନିଟର ବ୍ରେକ୍ ନେଇ ବାଥରୁମ୍ ଯିବାରୁ କମ୍ପାନୀ ବସ୍ ତାଙ୍କୁ ସିକ୍ ଲିଭ୍ ବା ପେଡ୍ ଟାଇମ୍ ଲିଭ୍ ନେବାକୁ କହିଛନ୍ତି। ମହିଳାଙ୍କ ଭାଇରାଲ ପୋଷ୍ଟରେ ୟୁଜର୍ସ ବସ୍ଙ୍କ ଏପରି ନିର୍ଦ୍ଦେଶକୁ ନିନ୍ଦା କରି ସମାଲୋଚନା କରିଛନ୍ତି।
ପୋଷ୍ଟରେ ମହିଳା କହିଛନ୍ତି, ମୁଁ କମ୍ପାନୀର ରିଟେଲର ଭାବେ ଓ୍ବ୍ାର୍କ ଫ୍ରମ ହୋମ କରୁଛି। ସକାଳେ ବାଥରୁମକୁ ଯାଇ ଫେରିବାରୁ ୮ମିନିଟ୍ ଲାଗିଥିଲା। ତେବେ ଫେରିବା ପରେ ବସ୍ଙ୍କର ଏକ ଭଏସମେଲ୍ ଆସିଥିଲା। ସେ କହିଥିଲେ ଯେ, ୮ମିନିଟ୍ ଛୁଟି ନେବା ପରିବର୍ତ୍ତେ ସିକ୍ ଲିଭ୍ କିମ୍ବା ପେଡ୍ ଟାଇମ୍ ଅଫ୍ ନେଇ ଯାଆନ୍ତୁ। ଯଦି ଏପରି ନ କରୁଛନ୍ତି ତା’ହେଲେ ସବୁବେଳେ ଅନଲାଇନ ରହି କାମ କରନ୍ତୁ। ଟିକିଏ ବ୍ରେକ୍ ନେବାରୁ ମାଲିକଙ୍କ ଏପରି ଦୁର୍ବ୍ୟବହାରରେ ମହିଳାଜଣକ ଦୁଃଖ ପ୍ରକାଶ କରିଛନ୍ତି।
ଏହି କ୍ରମରେ ମହିଳା କମ୍ପାନୀରେ ସମ୍ମୁଖୀନ ହେଉଥିବା ବିଭିନ୍ନ ପ୍ରକାର ଚ୍ୟାଲେଞ୍ଜ ଉପରେ ଉଲ୍ଲେଖ କରିଛନ୍ତି। କମ୍ପାନୀରେ ସୁପରଭାଇଜର ଅପଶଦ୍ଦ କହିବା ସହ ନ ପଚାରି ତାଙ୍କର ସିଡ୍ୟୁଲରେ ମଧ୍ୟ ପରିବର୍ତ୍ତନ କରିଥାନ୍ତି। ସେହିପରି ଭୁଲ ଢଙ୍ଗରେ ଆସଇନମେଣ୍ଟ ଦେବା ସହ ଛୁଟି ବହୁତ କମ୍ ମିଳିଥାଏ। ଆଉ ଶିଫ୍ଟ ସରିବା ପରେ ମଧ୍ୟ କାମ କରିବାକୁ ପଡିଥାଏ ବୋଲି ସେ କହିଛନ୍ତି।