ଭୋପାଳ,୧୬।୧୨: ମଧ୍ୟପ୍ରଦେଶ ସେଓନିର ବାନ୍ଦୋଲ ପୋଲିସ ଷ୍ଟେଶନ ଅଧୀନରେ ଥିବା ବଖରୀ ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ନାତୁଣୀ ବାହାଘରରେ ନାଚୁଥିବାବେଳେ ହୃଦ୍ଘାତରେ ମୃତ୍ୟୁବରଣ କରିଛନ୍ତି ଜେଜେ ମା’। ହଲଦୀ ସଙ୍ଗୀତ କାର୍ଯ୍ୟକ୍ରମରେ ଏହି ଘଟଣା ଘଟିଛି।
ବାନ୍ଦୋଲ ପୋଲିସର ଦାୟିତ୍ୱରେ ଥିବା ଦିଲୀପ ପଞ୍ଚେଶ୍ୱରଙ୍କ ସୂଚନା ଅନୁଯାୟୀ, ସେଓନି ଜିଲ୍ଲାର ବାନ୍ଦୋଲ ପୋଲିସ ଷ୍ଟେସନ ଅନ୍ତର୍ଗତ ବଖରୀ ଗାଁର ସାହୁ ପରିବାରରେ ଡିସେମ୍ବର ୧୪ରେ ଏକ ବିବାହ ଉତ୍ସବ ଥିଲା। ଏହାର ପୂର୍ବଦିନ ହଳଦୀ ସଙ୍ଗୀତ କାର୍ଯ୍ୟକ୍ରମ ଚାଲିଥିବାବେଳେ ମହିଳାମାନେ ଡ୍ୟାନ୍ସ କରୁଥିଲେ। ଏହି ସମୟରେ ବୃଦ୍ଧା ଶୋଡା ସାହୁ ନାଚୁଥିବା ବେଳେ ତଳେ ପଡ଼ିଯାଇଥିଲେ। ତାଙ୍କୁ ତୁରନ୍ତ ଜିଲା ଡାକ୍ତରଖାନା ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ। ମହିଳାଙ୍କ ମୃତ୍ୟୁ ପରେ ବିବାହର ଖୁସି ଶୋକରେ ପରିଣତ ହୋଇଯାଇଥିଲା।