ସୋର, ୧୭।୧୦(ଡି.ଏନ.ଏ.): ବାଲେଶ୍ୱର ଜିଲା ସୋର ବ୍ଲକ ମହୁମୁହାଣ ପଞ୍ଚାୟତ ଗୁଡିଖୁଳା ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ଗତ ରବିବାର ରାତିରେ ନିଆଁରେ ପୋଡ଼ି ହୋଇ ଜଣେ ମହିଳା ଗୁରୁତର ହୋଇଛନ୍ତି। ତାଙ୍କୁ ପ୍ରଥମେ ସୋର ଡାକ୍ତରଖାନା ଓ ପରେ ବାଲେଶ୍ୱର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ସୂଚନାଯୋଗ୍ୟ, ଗ୍ରାମର ଅଶୋକ ସିଂଙ୍କ ସ୍ତ୍ରୀ ଶୁକମୁକା(୩୦) ରବିବାର ରାତିରେ ତାଙ୍କ ସ୍ବାମୀ ଏବଂ ପିଲାଙ୍କୁ ଖାଇବାକୁ ଦେଇ ଚୁଲି ନିକଟକୁ ତରକାରୀ ଆଣିବାକୁ ଯାଇଥିଲେ। ହଠାତ ତାଙ୍କ ପିନ୍ଧା ଲୁଗାରେ ନିଆଁ ଲାଗିଯିବାରୁ ଅଶୋକ ତାଙ୍କ ଉପରେ ଏକ କନ୍ଥା ଘୋଡାଇ ପକାଇଥିଲେ। ପଡୋଶୀଙ୍କୁ ଡାକି ଖାଦାନ ସଙ୍ଘ ଆମ୍ବୁଲାନ୍ସରେ ସୋର ମେଡ଼ିକାଲକୁ ଆଣିଥିଲେ। ସେଠାରେ ଅବସ୍ଥା ଅତି ଗୁରୁତର ହେବାରୁ ତାଙ୍କୁ ଡାକ୍ତର ବାଲେଶ୍ୱର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରିଥିଲେ। ମହିଳାଙ୍କୁ ବଞ୍ଚାଇବା ସମୟରେ ତାଙ୍କ ସ୍ବାମୀଙ୍କ ହାତ ଓ ଦେହର ବିଭିନ୍ନ ସ୍ଥାନରେ ନିଆଁ ଆଘାତ ଲାଗିଥିବା ଜଣାପଡ଼ିଛି।
