କୁମ୍ଭୀର ଏମିତି ଏକ ପ୍ରାଣୀ, ଯାହା ଅତ୍ୟନ୍ତ ଭୟଙ୍କର। ସେଥିପାଇଁ ଏହି ଜୀବକୁ ସବୁବେଳେ ବନ୍ଦ କରି ରଖାଯାଏ। ପ୍ରାୟ ସମସ୍ତେ ଏହା ନିକଟକୁ ଯିବାକୁ ଭୟ କରିଥାନ୍ତି। ମାତ୍ର ଜଣେ ଯୁବତୀ ଏହି ଭୟଙ୍କର ଜୀବକୁ ମମାଜ କରି ଆନନ୍ଦ ନେଉଛନ୍ତି। ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି।
ଏହି ଭିଡିଓଟି @TheFigen_ନାମକ ଏକ ଟୁଇଟର ଆକାଉଣ୍ଟରେ ଶେୟାର କରାଯାଇଛି। କୁମ୍ଭୀରମାନେ ଅତ୍ୟଧିକ କ୍ରୋଧୀ ଏବଂ ଅପ୍ରତ୍ୟାଶିତ ପ୍ରାଣୀ। ଏମାନେ କେତେବେଳେ କାହା ଉପରେ ନା କାହା ଉପରେ ଆକ୍ରମଣ କରନ୍ତି। କିନ୍ତୁ କୁମ୍ଭୀରର ଏହି ମସାଜ ଦେଖିଲେ ଲାଗୁଛି ଯେପରି କୁମ୍ଭୀରଟି ସେହି ଯୁବତୀଙ୍କ ବୋଲ ମାନୁଛି।
ଭାଇରାଲ ଭିଡିଓରେ ବୋଲ୍ଡ ପୋଷାକ ପିନ୍ଧିଥିବା ଜଣେ ଯୁବତୀ ଆଣ୍ଠୁ ମାଡ଼ି ବସିଥିବାର ନଜର ଆସିଛନ୍ତି। ଏହା ଦେଖି ଆପଣ ଭାବିବେ କୁମ୍ଭୀର ବୋଧେ ଆକ୍ରମଣ କରିପାରେ। ମାତ୍ର ଯୁବତୀ ଜଣକ କୌଣସି ଭୟ ନ କରି କୁମ୍ଭୀରକୁ ମାଲିସ କରୁଛନ୍ତି। ଯୁବତୀ ଜଣକ ବେଳେବେଳେ କୁମ୍ଭୀରର ପିଠିକୁ ଆଉଁସୁଛନ୍ତି। କୁମ୍ଭୀରଟି ଆରାମରେ ଶୋଇଛି।
ଏହି ଭିଡିଓକୁ ୧ ଲକ୍ଷରୁ ଅଧିକ ଭ୍ୟୁ ମିଳିଥିବାବେଳେ ଅନେକ ଲୋକ ନିଜର ମତାମତ ଦେଇଛନ୍ତି। ଜଣେ ୟୁଜର କହିଛନ୍ତି, କୁମ୍ଭୀରର ମଧ୍ୟ ଏକ ସ୍ପା ଦରକାର। ଆଉ ଜଣେ କହିଛନ୍ତି, କୁମ୍ଭୀର ବହୁତ ଭାଗ୍ୟବାନ। ସେହିପରି ଅନ୍ୟ ଜଣେ କହିଛନ୍ତି, କୁମ୍ଭୀର ଚର୍ମ ତାଙ୍କ ପାଇଁ ଜୋତା ତିଆରି କରିପାରିବ କି ନାହିଁ ତାହା ଯାଞ୍ଚ କରିବା ଜରୁରୀ। ଆଉ ଜଣେ ୟୁଜର କହିଛନ୍ତି, କୁମ୍ଭୀର ଚାହିଁଲେ ମଧ୍ୟ ଏହି ଯୁବତୀଙ୍କୁ କାମୁଡ଼ିବାରେ ସକ୍ଷମ ହୋଇପାରିବ ନାହିଁ।