କଥାରେ ଅଛି ‘ଫାଷ୍ଟ ଇମ୍ପ୍ରେସନ୍ ଇଜ୍ ଲାଷ୍ଟ ଇମ୍ପ୍ରେସନ୍’। ଅର୍ଥାତ ପ୍ରଥମ ଦେଖାରେ ଯେଉଁ ଭାବନା ମନକୁ ଆସେ ତାହା ସବୁଦିନ ଲାଗି ସମାନ ରହିଥାଏ। ଅନେକ ଥର ଲୋକେ ପ୍ରଥମ ଦେଖାରେ ପ୍ରେମରେ ପଡ଼ିଯାଆନ୍ତି। ଜଣେ ମହିଳାଙ୍କ ସହ ସମାନ ଘଟଣା ଘଟୁଛି। ପ୍ରଥମ ଦେଖାରେ ଲୋକେ ତାଙ୍କ ସୁନ୍ଦରତାରେ ବିମୋହିତ ହେଉଥିବା ବେଳେ ତାଙ୍କ ସହ ଡେଟ୍ରେ ଯିବାକୁ ମଧ୍ୟ ବ୍ୟଗ୍ର ହୋଇଯାଆନ୍ତି। ହେଲେ ତାଙ୍କ ସହ ଜଡ଼ିତଏକ ସତ୍ୟ ଜାଣିବା ପରେ କେହି ପୁନର୍ବାର ତାଙ୍କ ନିକଟକୁ ଆସିବାକୁ ଚାହାନ୍ତି ନାହିଁ। ଏମିତି କାହିଁକି ଜାଣନ୍ତୁ।
ସୋସିଆଲ ମିଡିଆ ପ୍ଲାଟଫର୍ମ ଟିକ୍ଟକ୍ରେ @princessaprilxo ନାମକ ଜଣେ ବ୍ୟବହାରକାରୀ ଅଛନ୍ତି। ସେ ନିଜ ସହ ଘଟିଥିବା ଘଟଣାକୁ ନେଇ ଆଶ୍ଚର୍ଯ୍ୟଜନକ ଖୁଲାସା କରିଛନ୍ତି। ସେ କହିଛନ୍ତି, ଯେତେବେଳେ କୌଣସି ପୁରୁଷ ପ୍ରଥମ ଥର ଲାଗି ତାଙ୍କୁ ଭେଟନ୍ତି ସେତେବେଳେ ପ୍ରଶଂସାରେ ଶତମୁଖ ହୋଇଥାନ୍ତି। ଏପରିକି ତାଙ୍କ ସହ ଡେଟ୍ରେ ଯିବାଲାଗି କିଛି ବି କରିବାକୁ ପ୍ରସ୍ତୁତ ହୋଇଯାନ୍ତି। ହେଲେ ଯେତେବେଳେ ତାଙ୍କ ବୟସ ବିଷୟରେ ଜାଣନ୍ତି ଦୂରେଇ ଯାଇଥାନ୍ତି।
ମହିଳା କହିଛନ୍ତି ଯେ ତାଙ୍କୁ ଏବେ ୪୪ ବର୍ଷ ହେଲାଣି। ହେଲେ ସେ ୨୫ରୁ ୩୦ ବର୍ଷର ଭଳି ଦେଖାଯାଉଛନ୍ତି। ପ୍ରଥମେ ସେ ନିଜ ବୟସ ବିଷୟରେ କିଛି ବି କହି ନ ଥାନ୍ତି। କାରଣ ତାଙ୍କୁ ଡର ଥାଏ ଯେ ସତ ଜାଣିବା ପରେ ସେମାନେ ତାଙ୍କଠାରୁ ଦୂରେଇ ଯାଇ ପାରନ୍ତି। ସମ୍ପର୍କରେ ସଚ୍ଚୋଟତା, ସତ୍ୟ ଗୁରୁତ୍ୱ ଦିଏ ବୋଲି ପରେ ସେ ନିଜ ବିଷୟରେ ସବୁକିଛି ଜଣାଇଦେଇଥାନ୍ତି। ହେଲେ ପ୍ରତିଥର ତାଙ୍କସହ ସେଭଳି ହିଁ ହୋଇଥାଏ।
ଏନେଇ ମହିଳାଜଣଙ୍କ ଭିଡିଓ କରି ଜଣାଇବା ପରେ ତାହା ଭାଇରାଲ ହେଉଛି। ୮୦ ଲକ୍ଷରୁ ଅଧିକ ଲୋକ ଏହି ଭିଡିଓ ଦେଖିଛନ୍ତି। କିଛି ଲୋକ ମହିଳାଙ୍କୁ ବୟସ ନୁହେଁ ହୃଦୟ ଗୁରୁତ୍ୱପୂର୍ଣ୍ଣ କହୁଥିବା ବେଳେ କିଛି ଲୋକ ପରିବାର ବଢ଼ାଇବା ଲାଗି ବୟସ ଗୁରୁତ୍ୱ ବହନ କରେ ବୋଲି କହୁଛନ୍ତି। ଏହି ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି।
