ଓ୍ବାଶିଂଟନ,୨୬ା୧୧: ଆମେରିକାର ଫ୍ଲୋରିଡା ସମୁଦ୍ର କୂଳକୁ ବୁଲିବାକୁ ଯାଇଥିବା ଜଣେ ମହିଳା ଏମିତି ଏକ ଜିନିଷ ଦେଖି ଭୟରେ ଥରି ଉଠିଥିଲେ। ସଙ୍ଗେ ସଙ୍ଗେ ମହିଳା ଜଣଙ୍କ ପୋଲିସକୁ ଫୋନ୍ କରି ସୂଚନା ଦେଇଥିଲେ। ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ଦେଖିବା ପରେ ସତ ଉନ୍ମୋଚିତ ହୋଇଥିଲା।
ଫ୍ଲୋରିଡାରେ ରହୁଥିବା ଭଲେଣ୍ଟିୟର କ୍ୟାଥଲିନ୍ ନିଜର ଫେସ୍ବୁକ୍ ପେଜ୍ରେ ଏହି ଘଟଣା ସମ୍ପର୍କରେ ସମସ୍ତ କଥା ଲେଖିଛନ୍ତି। ସେ ଲେଖିଛନ୍ତି, ମୁଁ ଯେତେବେଳେ ସମୁଦ୍ର କୂଳରେ ବୁଲୁଥିଲି ମୋ’ ପାଦ ନିକଟରେ ଏକ ମୃତଦେହ ପଡ଼ିଥିବା ଦେଖିବାକୁ ପାଇଥିଲି। ସଙ୍ଗେ ସଙ୍ଗେ ଆପାତ୍ତକାଳୀନ ନମ୍ବର ୯୧୧ରେ କଲ୍ କରିଥିଲି। ପୋଲିସ ଆସି ପହଞ୍ଚି ଯାଞ୍ଚ କରିବାରୁ ଏହା ମୃତଦେହ ନୁହେଁ ଏକ କଣ୍ଢେଇ ବୋଲି ଜାଣିବାକୁ ପାଇଥିଲା।
ସତ ଜାଣିବା ପରେ କ୍ୟାଥଲିନ୍ଙ୍କ ଭୟ ଦୂର ହୋଇଥିଲା। ସେ ଏହାର କିଛି ଫଟୋ ସୋସିଆଲ ମିଡିଆରେ ଶେୟାର କରିଥିଲେ। ଫଟୋ ଦେଖି ସୋସିଆଲ ମିଡିଆରେ ୟୁଜରମାନେ ଭିନ୍ନ ଭିନ୍ନ ପ୍ରତିକ୍ରିୟା ରଖିଛନ୍ତି। ଏହାକୁ ୩ ହଜାରରୁ ଅଧିକ ଲୋକ ଶେୟାର କରିଥିବା ବେଳେ ୨ ହଜାରରୁ ଅଧିକ ଲୋକ ପସନ୍ଦ କରିଛନ୍ତି। ହଜାରେରୁ ଊର୍ଦ୍ଧ୍ୱ କମେଣ୍ଟ ମଧ୍ୟ କରିଛନ୍ତି। କିଛି ଲୋକ ଲେଖିଛନ୍ତି, ସମୁଦ୍ରରେ କଣ୍ଢେଇ କେଉଁଠୁ ଆସିବ। ଇଏ ନିଶ୍ଚିତ ସମୁଦ୍ର ମାନବ। କିଛି ଲୋକ କହିଛନ୍ତି, ଆମେ ଖୁସି କି ଏହା ମୃତଦେହ ନୁହେଁ, ଏକ କଣ୍ଢେଇ।
