ଓ୍ବାଶିଂଟନ୍,୫।୧: ଧୋକେବାଜ୍ ପ୍ରେମିକଙ୍କ ଠାରୁ ପ୍ରତିଶୋଧ ନେବାକୁ ମହିଳାଜଣକ କିଛି ଏପରି କାରନାମା କରିଛନ୍ତି ଯାହାକୁ ଶୁଣି ଆପଣ ଆଶ୍ଚର୍ଯ୍ୟ ହୋଇଯିବେ। ଆମେରିକାର ଜଣେ ମହିଳା ତାଙ୍କୁ ଧୋକା ଦେଇଥିବା ପ୍ରେମିକଙ୍କୁ ଦଣ୍ଡ ଦେବା ପାଇଁ ଆୟକର ବିଭାଗ(ଇନକମ୍ ଟ୍ୟାକ୍ସ)ରେ ଅଭିଯୋଗ କରିଛନ୍ତି। ଯାହା ବଦଳରେ ତାଙ୍କୁ ମୋଟା ଅଙ୍କର ପୁରସ୍କାର ମିଳିଛି।
ଏବା ଲୁଇସ ଏ ସମ୍ପର୍କରେ ଏକ ଟିକ୍ଟକ୍ ଭିଡିଓରେ ଜଣାଇଛନ୍ତି। ସେ ଆନ୍ତରୀଣ ରାଜସ୍ବ ସେବା(ଆଇଆରଏସ)ଙ୍କୁ ନିଜ ପୂର୍ବ ପ୍ରେମିକଙ୍କ ଟ୍ୟାକ୍ସ ଚୋରି ବିଷୟରେ ସୂଚନା ଦେଇଛନ୍ତି। ସେ ନିଜ ଭାଇରାଲ ଭିଡିଓରେ କହିଛନ୍ତି, ମୋ ଏକ୍ସ ମୋ ସହ ରିଲେଶନରେ ଥିବା ସମୟରେ କେବେ ବି ଟ୍ୟାକ୍ସ ଦେଉ ନ ଥିଲା। ପରେ ସେ ମୋତେ ଧୋକା ଦେଇଥିଲା। ଏହାପରେ ମୁଁ ସିଧା ଆଇଟି ପାଖରେ ପହଞ୍ଚି ଏ ବିଷୟରେ କହିଥିଲି। ଅଭିଯୋଗ କରିବା ପରେ ମୋତେ ୧୦୦,୦୦୦ହଲାର ଅର୍ଥାତ୍ ୮୩ଲକ୍ଷ ଟଙ୍କା ପୁରସ୍କାର ମିଳିଥିଲା। ଏବେ ସେହି ଟଙ୍କା ମୁଁ ଖର୍ଚ୍ଚ କରୁଥିବାବେଳେ ଏବେ ସେ ଜେଲ୍ରେ ଦଣ୍ଡ ଭୋଗୁଛି।
