ପ୍ରେମିକା-ପ୍ରେମିକଙ୍କ ମଧ୍ୟରେ ଯୁକ୍ତିତର୍କ ଏକ ସାଧାରଣ କଥା। ପାଟିତୁଣ୍ଡ ହେଲେ ଭଲ ପାଇବା ଆହୁରି ବଢ଼ିଥାଏ ବୋଲି କୁହାଯାଏ। ତେବେ କିଛି ପ୍ରେମିକା-ପ୍ରେମିକ ଏହା ଦ୍ୱାରା ଏତେ ମାତ୍ରାରେ ବିରକ୍ତ ହୋଇଯାନ୍ତି ଯେ, ସେମାନେ ପରସ୍ପରଠାରୁ ଅଲଗା ହେବାକୁ ଉଚିତ୍ ମନେ କରନ୍ତି। ତେବେ ଯେଉଁମାନଙ୍କ ମଧ୍ୟରେ ଯୁକ୍ତିତର୍କ ହୁଏ ନାହିଁ ସେମାନେ ବହୁତ ଖୁସିରେ ରହୁଥିବେ ବୋଲି ସମସ୍ତେ ଭାବନ୍ତି। ମାତ୍ର ଏହାର ବ୍ୟତିକ୍ରମ ଦେଖିବାକୁ ମିଳିଛି ଟେକ୍ସସର ଲୁଧିଆନାରେ। ୨୯ ବର୍ଷିୟା ଜେନଲିଶା ଲରେନ୍ସଙ୍କ ସହ ତାଙ୍କ ପ୍ରେମିକ ଯୁକ୍ତି ନ କରିବାରୁ ସେ ବିରକ୍ତ ହୋଇ ତାଙ୍କୁ ଗିଳୁ ମାରିଛନ୍ତି। ପ୍ରେମିକଙ୍କୁ ଗୁଳି କରିବା ପରେ ଜେନଲିଶା ଫେରାର ହୋଇଯାଇଛନ୍ତି। ପୋଲିସ ଏବେ ତାଙ୍କୁ ଖୋଜୁବା ସହ ତାଙ୍କ ଉପରେ ହତ୍ୟା ଅଭିଯୋଗ ଲଗାଇଛନ୍ତି।
ପଡୋଶୀଙ୍କ କହିବାନୁଯାୟୀ, ଜେନଲିଶା ଏବଂ ତାଙ୍କ ପ୍ରେମିକ ଏକତ୍ର ରହିଆସୁଥିଲେ। ପ୍ରେମିକ ଜଣଙ୍କ ଅତ୍ୟନ୍ତ ଶାନ୍ତ ଏବଂ ସରଳ ପ୍ରବୃତିର ବ୍ୟକ୍ତି ଥିଲେ। ମାତ୍ର ଜେନଲିଶା ସବୁବେଳେ ତାଙ୍କ ସହ ଯୁକ୍ତିତର୍କ କରୁଥିଲେ, ମାତ୍ର ପ୍ରେମିକ ତାଙ୍କୁ କେବେ କିଛି ହେଲେ କହୁ ନ ଥିଲେ। ଏଥିରେ ବିରକ୍ତ ହୋଇ ଜେନଲିଶା ଜୁଲାଇ ୧୮ରେ ଭୋର ସାଢ଼େ ୭ଟାରେ ପ୍ରେମୀକଙ୍କୁ ଗୁଳିକରିଥିଲେ। ଏହି ଶବ୍ଦ ଶୁଣି ପଡୋଶୀ ପୋଲିସକୁ ଖବର ଦେଇଥିଲେ। ପୋଳିସ ଘଟଣାସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ପ୍ରେମିକଙ୍କୁ ଉଦ୍ଧାରକରି ହସ୍ପିଟାଲରେ ଭର୍ତ୍ତି କରିଛି। ପୋଲିସ ଅଭିଯୁକ୍ତ ଜେନଲିଶାଙ୍କୁ ଖୋଜୁଛି।
