ବ୍ରାଜିଲର ଏକ ରେଳ ଷ୍ଟେଶନରେ ଆଶ୍ଚର୍ଯ୍ୟଜନକ ଘଟଣା ଘଟିଛି। ଜଣେ ମହିଳା ତାଙ୍କ ସ୍ବାମୀଙ୍କୁ ‘କୁକୁର’ ବେଶରେ ସଜାଇ ଷ୍ଟେଶନ ବୁଲାଇଛନ୍ତି। ମହିଳାଙ୍କ ସ୍ବାମୀ କୁକୁରର ଗେଟଅପରେ ଥିଲେ ଏବଂ ତାଙ୍କ ବେକରେ ଏକ ଶିକୁଳି ମଧ୍ୟ ବନ୍ଧା ହୋଇଥିଲା। ଦୀର୍ଘ ସମୟ ଧରି ମହିଳା ଜଣକ ସ୍ବାମୀଙ୍କୁ ଏପରି ଅବସ୍ଥାରେ ସହ ଘୁରି ବୁଲୁଥିଲେ ଯେପରି ସେ କୁକୁର ଧରି ବୁଲୁଛନ୍ତି। ଏହା ଦେଖି ସାଧାରଣ ଯାତ୍ରୀଙ୍କ ସହ ଷ୍ଟେଶନ କର୍ମଚାରୀ ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। କ’ଣ ଘଟିଛି କେହି ବୁଝିପାରିଲେ ନାହିଁ।
ମହିଳାଙ୍କ ନାମ ଲୁଆନା କାଜକି ଏବଂ ତାଙ୍କ ସ୍ବାମୀଙ୍କ ନାମ ଆର୍ଥର ଓ ଉର୍ସୋ। ଲୁଆନା ତାଙ୍କ ସ୍ବାମୀଙ୍କୁ କୁକୁର ଡ୍ରେସ୍ ପିନ୍ଧାଇ ବେକରେ ଏକ ଚେନ୍ ବାନ୍ଧି ଜନଗହଳି ପୂର୍ଣ୍ଣ ଷ୍ଟେଶନକୁ ନେଇଗଲେ। ଏଠାରେ ଦୀର୍ଘ ସମୟ ଧରି ସେ ଆର୍ଥରଙ୍କ ସହିତ ବୁଲୁଥିଲେ। ଏହି ଉପାୟରେ କୁକୁର ହୋଇ ସର୍ବସାଧାରଣ ସ୍ଥାନକୁ ଯିବା ଦ୍ୱାରା ବୈବାହିକ ଜୀବନ ସୁଖମୟ ହେବା ସହ ଯୌନ ସମ୍ପର୍କ ବଢିଥାଏ ବୋଲି ଦମ୍ପତି ଦାବି କରିଛନ୍ତି। ଆର୍ଥର ଓ’ରସୋଙ୍କ ପୋଷାକ ଚମଡ଼ାରେ ତିଆରି ହୋଇଥିଲା। ଏହି ସମୟରେ, ଦମ୍ପତି ଷ୍ଟେଶନରେ ଏକ ଫଟୋଶୁଟ ମଧ୍ୟ କରିଥିଲେ।
ଆର୍ଥର କହିଛନ୍ତି, ମୋର ପୋଷାକ ଦେଖି ଲୋକମାନେ ଆଶ୍ଚର୍ଯ୍ୟ ହେଲେ। ଏହା ତାଙ୍କ ପାଇଁ ଏକ ସମ୍ପୂର୍ଣ୍ଣ ନୂଆ ଅନୁଭୂତି ଥିଲା । ଷ୍ଟେଶନ ପରେ ଏହି ଦମ୍ପତି ସମାନ ଢଙ୍ଗରେ ଅନ୍ୟ ସର୍ବସାଧାରଣ ସ୍ଥାନକୁ ଯାଇଥିଲେ । ଏହା ଏକ ଭିନ୍ନ ପ୍ରକାରର ଦୁଃସାହସିକ କାର୍ଯ୍ୟ ବୋଲି ଆର୍ଥର ଦାବି କରିଛନ୍ତି। ଲୋକମାନେ ଏହାକୁ ଅଦ୍ଭୁତ ମନେ କରିପାରନ୍ତି, କିନ୍ତୁ ଏହା ଆମର ବୈବାହିକ ଜୀବନକୁ ସୁଖମୟ କରିଥାଏ। କାନାଡାରେ ମଧ୍ୟ ଜଣେ ମହିଳା ସମାନ କାର୍ଯ୍ୟ କରିଥିଲେ। ତେବେ ଏଥିପାଇଁ ତାଙ୍କୁ ଜୋରିମନା ମଧ୍ୟ ଦେବାକୁ ପଡିଥିଲା।