ଢେଙ୍କିକୋଟ/କେନ୍ଦୁଝର,୨ା୯(ଡି.ଏନ.ଏ./ସ୍ବ.ପ୍ର.)-କେନ୍ଦୁଝର ସଦର ଥାନା ଅନ୍ତର୍ଗତ କାଠବାରୀ ପଞ୍ଚାୟତ ବୁଢ଼ାବଣ ଗ୍ରାମର ଜଣେ ମହିଳାଙ୍କ ମୁଣ୍ଡଗଣ୍ଡି ଅଲଗା କରି କେହି ଦୁର୍ବୃତ୍ତ ନିର୍ମମ ଭାବେ ହତ୍ୟା କରିଥିବା ଚାଞ୍ଚଲ୍ୟ ସୃଷ୍ଟି କରିଛି। ରାସ୍ତାରେ ଗଣ୍ଡିଟି ପଡ଼ିଥିବା ବେଳେ ସେଠାରେ ମୁଣ୍ଡ ନ ଥିବା ଜଣାପଡ଼ିଛି। ମୃତ ମହିଳା ହେଲେ କେଶ ମହାନ୍ତ। ବୁଧବାର ଦ୍ୱାରିକାପଶି ସାପ୍ତାହିକ ହାଟକୁ ସେ ଲଙ୍କା ବିକ୍ରି କରିବା ପାଇଁ ଯାଇଥିଲେ। ମାତ୍ର ନିଛାଟିଆ ଜଙ୍ଗଲ ରାସ୍ତାରେ ଏକୁଟିଆ ପାଇ କେହି ଧାରୁଆ ଅସ୍ତ୍ରରେ ତାଙ୍କ ବେକରୁ ମୁଣ୍ଡକୁ ଅଲଗା କରି କଟା ମୁଣ୍ଡ ଧରି ପଳାଇଥିବା ସନ୍ଦେହ କରାଯାଉଛି। ଘଟଣାଟି ସନ୍ଧ୍ୟାରେ ଜଣାପଡ଼ିବାରୁ ପୋଲିସ ପହଞ୍ଚତ୍ ତଦନ୍ତ ଆରମ୍ଭ କରିଛି। ଏହି ହତ୍ୟାକାଣ୍ଡ ପୂର୍ବଶତ୍ରୁତାରୁ ଘଟିଥିବା ପୋଲିସ ସନ୍ଦେହ କରୁଛି।