ନୂଆଦିଲ୍ଲୀ,୧।୧୨: ଆମ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜରିୱାଲ ଶନିବାର ଗ୍ରେଟର କୈଲାଶରେ ଏକ ପଦଯାତ୍ରାର ଆୟୋଜନ କରିଥିଲେ ଏବଂ ଜନସାଧାରଣଙ୍କ ସହ ସିଧାସଳଖ କଥାବାର୍ତ୍ତା କରିଥିଲେ। ଅରବିନ୍ଦ ଦିଲ୍ଲୀବାସୀଙ୍କୁ ନିବେଦନ କରି କହିଛନ୍ତି ଯେ ବିଧାନସଭା ନିର୍ବାଚନରେ ଏଥର ଭାଜପାକୁ ଭୋଟ ଦିଅନ୍ତୁ ନାହିଁ। ଯଦି ଆପଣ ଏହା କରନ୍ତି, ତେବେ ଦିଲ୍ଲୀର ଆଇନ ଶୃଙ୍ଖଳା ପରି ଭାଜପା ଲୋକମାନେ ଆପଣଙ୍କ ବିଦ୍ୟାଳୟ, ଡାକ୍ତରଖାନା ଏବଂ ବିଦ୍ୟୁତକୁ ନଷ୍ଟ କରିଦେବେ।
ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ କହିଛନ୍ତି ଯେ ଆପଣ ଭାଜପାକୁ ଆଇନ ଶୃଙ୍ଖଳା ପରିଚାଳନା ଦାୟିତ୍ୱ ଦେଇଛନ୍ତି। ସେ ସେହି ଦାୟିତ୍ୱ ପୂରଣ କରିନାହାଁନ୍ତି । ଆପଣଙ୍କୁ ଏହି ନିର୍ବାଚନରେ ସେମାନଙ୍କୁ ଏକ ଶିକ୍ଷା ଦେବାକୁ ପଡିବ ।
ଆମ ମା’ ଓ ଭଉଣୀମାନଙ୍କ ପାଇଁ ବହୁତ ଭଲ ଖବର ଅଛି ବୋଲି ଅରବିନ୍ଦ କେଜରିୱାଲ ଲୋକଙ୍କୁ କହିଥିଲେ। ଆମେ ଶୀଘ୍ର ଦିଲ୍ଲୀ ମହିଳାଙ୍କ ଆକାଉଣ୍ଟରେ ଏକ ହଜାର ଟଙ୍କା ଜମା କରିବାକୁ ଏକ ଯୋଜନା ପାସ କରିବାକୁ ଯାଉଛୁ। ୧୮ବର୍ଷରୁ ଅଧିକ ବୟସର ସମସ୍ତ ମହିଳା ପ୍ରତ୍ୟେକ ମାସରେ ସେମାନଙ୍କ ଆକାଉଣ୍ଟରେ ଟଙ୍କା ପାଇବେ। ସେହି ଯୋଜନା ଶୀଘ୍ର ଆରମ୍ଭ ହେବାକୁ ଯାଉଛି ।
