ଜୟପୁର,୨୭।୫(ପବନ ପାଣିଗ୍ରାହୀ): କୋରାପୁଟ ଜିଲା ଜୟପୁର ସହର କୁମ୍ବାରସାହିରେ ମହିଳାମାନେ ପାଣି ପାଇଁ ସୋମବାର ଗରା ଧରି ରାସ୍ତା ଅବରୋଧ କରଥିଲେ। ଦୀର୍ଘ ୧୫ ଦିନ ହେବ କୁମ୍ବାରସାହିରେ ପାଇପରେ ପାଣି ଆସୁ ନାହିଁ ।
ପ୍ରବଳ ଗ୍ରୀଷ୍ଣପ୍ରବାହ ଜାରି ରହିଥିବା ବେଳ ପାଣି ପାଇଁ ସାହିବାସିନ୍ଦା ନାହିଁ ନ ଥିବା ହଇରାଣ ହୋଉଛନ୍ତି। ଉକ୍ତ ସାହିରେ ଦେଢ ଶହ ଘର ରହିଥିବା ବେଳେ ଲୋକ ସଂଖ୍ୟା ୪ ଶହ ରହିଛି। ସ୍ଥାନୀୟ କାଉନସିଲର ସୀମାଞ୍ଚଳ ବିଷୋୟୀଙ୍କ ନେତୃତ୍ୱରେ ମହିଳାମାନେ ରାସ୍ତାରୋକା କରିଥିଲେ।
ଖବର ପାଇ ଟାଉନଥାନା ପୋଲିସ ଓ ବିଭାଗୀୟ ଅଧିକାରୀମାନେ ପହଞ୍ଚି ଟ୍ୟାଙ୍କର ଯୋଗେ ପାଣି ଯୋଗାଇ ଦେବାକୁ ପ୍ରତିଶ୍ରୁତି ଦେଇଥିଲେ। ପରେ ମହିଳାମାନେ ରାସ୍ତା ରୋକୋ ପ୍ରତ୍ୟାହାର କରିଥିଲେ।