ଭାରତରେ ଅନେକ ସୁନ୍ଦର ପର୍ବ ପାଳନ କରାଯାଏ। ଏଥିମଧ୍ୟରୁ ଗୋଟିଏ ହେଉଛି ଦୀପାବଳି। ଯାହାକୁ ବେଶ୍ ଆନନ୍ଦ ଉଲ୍ଲାସର ସହ ପାଳନ କରାଯାଏ। ଆଜିର ଦିନରେ କ୍ୟାଣ୍ଡେଲ୍ ଏବଂ ଦୀପ ସବୁଠି ଜଳାଯାଏ। ବିଶେଷକରି ଲୋକମାନେ ଏବେ ନିଜ ଘରକୁ ଏଲ୍ଇଡି ଲାଇଟରେ ମଧ୍ୟ ସଜାଉଛନ୍ତି। ଏବେ ଏକ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ଜଣେ ମହିଳା କେବଳ ନିଜ ଘରକୁ ସଜାଇ ନାହାନ୍ତି ବରଂ ନିଜକୁ ଲିଚୁ ଲାଇଟ୍ରେ ମଧ୍ୟ ସଜାଇଛନ୍ତି।
ଆପଣ ନିଶ୍ଚୟ ଦେଖିଥିବେ ଲୋକମାନେ ନିଜ ପୋଷାକକୁ ଲେସ୍ ଏବଂ ଲାଇଟ୍ରେ ସଜାନ୍ତି। ଏହି ଚକଚକିଆ ଜରି ପୋଷାକ ଆଲୋକରେ ଆହୁରି ଅଧିକ ଉଜ୍ଜ୍ୱଳ ଦେଖାଯାଇଥାଏ। ଜଣେ ମହିଳା ଏସବୁଠାରୁ ଭିନ୍ନ ଭାବରେ ଚିନ୍ତା କଲେ ଏବଂ ତାଙ୍କ ପୋଷାକକୁ ଆହୁରି ସୁନ୍ଦର କରିବା ପାଇଁ ସେ ନିଜ ଓଢ଼ଣୀରେ ଉପରେ ଏପରି ରଙ୍ଗିନ ଆଲୋକ ଲଗାଇଛନ୍ତି ଏହା ଡିସ୍କୋ ଲାଇଟ୍ ପରି ବୁଲିବା ଆରମ୍ଭ କଲା।
ଭାଇରାଲ ହେଉଥିବା ଭିଡିଓରେ ଆପଣ ଦେଖିପାରିବେ ଜଣେ ମହିଳା ଲେହେଙ୍ଗା ଏବଂ ଚୁନି ପିନ୍ଧିଛନ୍ତି। ଦେଶୀ ଷ୍ଟାଇଲ୍ରେ ମହିଳା ଜଣକ ଖୁବ୍ ସୁନ୍ଦର ଦେଖାଯାଉଛନ୍ତି।
ଏହି ଭିଡିଓଟି varsha.yadav ନାମକ ଏକ ଆକାଉଣ୍ଟରେ ଶେୟାର କରାଯାଇଛି। ଏହି ଭିଡିଓକୁ ପ୍ରାୟ ୫ ଲକ୍ଷ ଲୋକ ପସନ୍ଦ କରିଛନ୍ତି ଏବଂ ଲକ୍ଷାଧିକ ଲୋକ ଏହାକୁ ଦେଖିଛନ୍ତି। ଭିଡିଓରେ ଲୋକମାନେ କୌତୂହଳପୂର୍ଣ୍ଣ ମନ୍ତବ୍ୟ ବି ଦେଇଛନ୍ତି। ଜଣେ ୟୁଜର କହିଛନ୍ତି, ‘ଯେତେବେଳେ ତୁମର ଶାଶୁ କୁହନ୍ତି, କିଛି ଚକଚକିଆ ପୋଷାକ ପିନ୍ଧ। ଅନ୍ୟ ଜଣେ ୟୁଜର ତାଙ୍କୁ ‘ଶ୍ରୀମତୀ ବିଜ୍ଲି ଦେବୀ’ କହିଛନ୍ତି। ଭିଡିଓଟି ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।