ସ୍ତ୍ରୀ-ସ୍ବାମୀଙ୍କ ମଧ୍ୟରେ ମଝିରେ ମଝିରେ ଝଗଡ଼ା ଲାଗିବା ସାଧାରଣ କଥା। ବେଳେବେଳେ ସାମାନ୍ୟ କଥାକୁ ନେଇ ତୁମୁଳ କାଣ୍ଡ ବି ଘଟିଥାଏ। କାରଣ ମହିଳାଙ୍କୁ ପୁରୁଷମାନଙ୍କର କିଛି ଗୁଣ ଅଛି ଯାହା ଭଲ ଲାଗି ନ ଥାଏ, ଯେଉଁଥିପାଇଁ ଝଗଡ଼ା ସୃଷ୍ଟି ହୋଇଥାଏ। ସେଥିମଧ୍ୟରୁ ୩ଟି ମୁଖ୍ୟ କାରଣ ରହିଛି। ସେଗୁଡ଼ିକ ହେଲା…
ଘରର ଦାୟିତ୍ୱ ନ ସମ୍ଭାଳିବା:
ସାଧାରଣତଃ ମହିଳାମାନେ ଘର ସଫାସୁତରା ରଖିବାକୁ ପସନ୍ଦ କରିଥାନ୍ତି। କିନ୍ତୁ କିଛି ପୁରୁଷ ଏ କ୍ଷେତ୍ରରେ ଟିକେ ଓଲଟା। ଏତେତେଣେ ଜିନିଷଗୁଡ଼ିକ ଫିଙ୍ଗି ଥାନ୍ତି। ଯାହା ମହିଳାଙ୍କୁ ପସନ୍ଦ ଆସି ନ ଥାଏ। ଏମିତି ଦେଖି ସେମାନେ ସ୍ବାମୀଙ୍କ ଉପରେ ଚିଡ଼ିଥାନ୍ତି। ଯାହା ଝଗଡ଼ାର କାରଣ ହୋଇଥାଏ।
ପିଲାମାନଙ୍କୁ ସମ୍ଭାଳି ନ ପାରିବା:
ପିଲାମାନଙ୍କୁ କିପରି ଲାଳନପାଳନ କରାଯାଏ ଜଣେ ମା’ ହିଁ ବେଶ୍ ଭଲ ଭାବେ ଜାଣିଥାଏ। ମାତ୍ର କିଛି ପୁରୁଷ ଏ ଦିଗରେ ଆଦୌ ଗୁରୁତ୍ୱ ଦେଇ ନ ଥାନ୍ତି। ସେମାନେ ଭାବିଥାନ୍ତି ଏହା ମହିଳାମାନଙ୍କ କାମ। ତେଣୁ ପିଲାମାନଙ୍କର ଠିକ୍ରେ ଯତ୍ନ ନେଇପାରନ୍ତିନି। ଏହା ଦେଖି ମହିଳାମାନେ ସ୍ବାମୀଙ୍କ ଉପରେ ପ୍ରଚଣ୍ଡ ରାଗି ଯାଇଥାନ୍ତି। ଯାହାକି ପରବର୍ତ୍ତୀ ମୁହୂର୍ତ୍ତରେ ଝଗଡ଼ାର କାରଣ ହୋଇଥାଏ।
ଇସାରା ବୁଝି ନ ପାରିବା:
ସବୁ ସ୍ତ୍ରୀ ଚାହିଁଥାନ୍ତି ସ୍ବାମୀଙ୍କୁ କିଛି କହିବା ପୂର୍ବରୁ ସେ ତାଙ୍କ କଥା ବୁଝିପାରନ୍ତୁ। ମାତ୍ର କିଛି ପୁରୁଷ କହିଥାନ୍ତି ତାଙ୍କର ଯାହା ଆବଶ୍ୟକ ସେ ମୁହଁ ଖୋଲି କୁହନ୍ତୁ। ସର୍ବସାଧାରଣରେ ମହିଳାମାନେ ଚାହିଁଥାନ୍ତି ତାଙ୍କ ସ୍ବାମୀ ତାଙ୍କ ଇସାରା ବୁଝନ୍ତୁ। ମାତ୍ର ପୁରୁଷମାନେ ଏହାକୁ ଅଣଦେଖା କରିଥାନ୍ତି। ଏହି କଥା ମହିଳାମାନଙ୍କୁ ଭଲ ଲାଗେ ନାହିଁ। ଫଳରେ ସେମାନେ ରାଗିଯାନ୍ତି। ଯାହା ଝଗଡ଼ାର କାରଣ ପାଲଟିଥାଏ।
ତେବେ ଏହିସବୁ ଛୋଟମୋଟ କଥା ପ୍ରତି ଗୁରୁତ୍ୱ ଦେବା ଜରୁରୀ। ପରସ୍ପରକୁ ବୁଝି ପାରିଲେ ସ୍ତ୍ରୀ-ସ୍ବାମୀଙ୍କ ସମ୍ପର୍କ ମଧୁମୟ ହୋଇଉଠିବ।