ନୂଆଦିଲ୍ଳୀ,୨୦ା୮: ଦେଶର ୧୧ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ପୁରୁଷଙ୍କ ତୁଳନାରେ ମହିଳାଙ୍କର ଅଧିକ ଯୌନ ସାଥୀ ରହିଛନ୍ତି। ଶୁକ୍ରବାର ନ୍ୟାଶନାଲ ଫ୍ୟାମିଲି ହେଲ୍ଥ ସର୍ଭେ (ଏନ୍ଏଫ୍ଏଚ୍ଏସ୍)ପକ୍ଷରୁ ଏହି ରିପୋର୍ଟ ପ୍ରକାଶ ପାଇଛି। ରାଜସ୍ଥାନର ମହିଳା ଏ କ୍ଷେତ୍ରରେ ଅଧିକ ସକ୍ରିୟ ଥିବାବେଳେ ହରିୟାଣା, ଚଣ୍ଡିଗଡ଼, ଜମ୍ମୁ-କଶ୍ମୀର, ମଧ୍ୟପ୍ରଦେଶ, ଆସାମ, ଲଦାଖ, ପୁଡୁଚେରୀ, ତାମିଲନାଡ଼ୁର ମହିଳାମାନେ ସମ୍ଭୋଗ ପାଇଁ ଅଧିକ ସାଥୀ ଚାହାନ୍ତି। ରାଜସ୍ଥାନରେ ୩.୧ ପ୍ରତିଶତ ମହିଳା ଯୌନ ସାଥୀଙ୍କ ପାଇଁ ଆଗ୍ରହୀଥିବାବେଳେ ୧.୮ ପ୍ରତିଶତ ପୁରୁଷ ମହିଳା ସାଥୀ ଚାହୁଁଥିବା ରିପୋର୍ଟରେ ଉଲ୍ଲେଖ କରାଯାଇଛି। ସେହିପରି ଦେଶରେ ୪ ପ୍ରତିଶତ ପୁରୁଷ ବାହାର ମହିଳାଙ୍କ ସହ ଯୌନ ସମ୍ପର୍କ ରଖୁଥିବାବେଳେ ମାତ୍ର ୦.୫% ମହିଳା ଅନ୍ୟ ପୁରୁଷଙ୍କ ସହ ସମ୍ପର୍କ ରଖୁଛନ୍ତି। ୧.୧ ଲକ୍ଷ ମହିଳା ଓ ୧ ଲକ୍ଷ ପୁରୁଷଙ୍କୁ ନେଇ ଏନ୍ଏଫ୍ଏଚ୍ଏସ୍ ପକ୍ଷରୁ ଏହି ସର୍ଭେ କରାଯାଇଥିଲା। ୨୦୧୯-୨୧ରେ ନ୍ୟାଶନାଲ ଫ୍ୟାମିଲି ହେଲ୍ଥ ସର୍ଭେ-୫ କରାଯାଇଥିବାବେଳେ ଏଥିରେ ୨୮ ରାଜ୍ୟର ୭୦୭ ଜିଲା ଏବଂ ୮ କେନ୍ଦ୍ର ଶାସିତ ଅଞ୍ଚଳକୁ ସାମିଲ କରାଯାଇଥିଲା।