![](https://www.dharitri.com/wp-content/uploads/2023/01/male-doctors-stopped-to-treating-females-in-taliban.jpg)
କାବୁଲ,୧୨।୧: ଆଫଗାନିସ୍ତାନର କ୍ଷମତା ହାସଲ କରିବା ପରେ ତାଲିବାନ ଶାସକ ମହିଳାଙ୍କ ପାଇଁ ପ୍ରତିଦିନ ନୂଆ ନିୟମ ଜାରି କରୁଛନ୍ତି। ନିକଟରେ ତାଲିବାନ ସରକାର ଏକ ଆଦେଶ ଜାରି କରିଛନ୍ତି। ଉକ୍ତ ଆଦେଶରେ କୁହାଯାଇଛି ଯେ, ତାଲିବାନର ମହିଳାମାନେ ପୁରୁଷ ଡାକ୍ତରଙ୍କ ପାଖରେ ଚିକିତ୍ସା କରାଇପାରିବେ ନାହିଁ। ଏହି ନିଷ୍ପତ୍ତି ପରେ ଆଫଗାନିସ୍ତାନର ଚିକିତ୍ସା ସୁବିଧା ଉପରେ ଅଧିକ ପ୍ରଭାବ ପଡ଼ିବ। ବିଶ୍ୱର ଡାକ୍ତରୀ ବିଶେଷଜ୍ଞଙ୍କ ମତ ଅନୁସାରେ ଏହି ନିଷ୍ପତ୍ତି ଯୋଗୁ ଆଫଗାନିସ୍ତାନରେ ଶିଶୁ ଓ ମହିଳାଙ୍କ ମୃତ୍ୟୁ ହାର ବୃଦ୍ଧି ପାଇବ। ଏକ ନ୍ୟୁଜ୍ ଏଜେନ୍ସି ରିପୋର୍ଟ ଅନୁଯାୟୀ ତାଲିବାନର ଏହି ନିଷ୍ପତ୍ତି ଦ୍ୱାରା ସେଠାରେ ମେଡିକାଲ ପଢ଼ୁଥିବା ଏବଂ ମେଡିକାଲ କାର୍ଯ୍ୟ କରୁଥିବା ମହିଳାଙ୍କ ଜୀବନରେ ଏକ ସଙ୍କଟ ସୃଷ୍ଟି କରିବ। ଏହି ନିଷ୍ପତ୍ତି ଯୋଗୁୁ କାବୁଲରେ କାର୍ଯ୍ୟ କରୁଥିବା ଜଣେ ଡାକ୍ତରଙ୍କୁ ଘରେ ବସିବାକୁ ପଡ଼ିଛି। ଅନ୍ୟପଟେ ତାଲିବାନ ମହିଳାମାନେ ଏବେ ବିଶ୍ୱର ଅନ୍ୟ ଦେଶମାନଙ୍କଠାରୁ ସହାୟତା ଲୋଡ଼ିଛନ୍ତି। ଏହି ପରିସ୍ଥିତିରୁ ସେମାନଙ୍କୁ ମୁକୁଳାଇବା ପାଇଁ ନିବେଦନ କରିଛନ୍ତି। ସୂଚନା ମୁତାବକ, ଅଗଷ୍ଟ ୨୦୨୧ରେ କ୍ଷମତା ହାସଲ କରିବା ପରେ ଆଫଗାନିସ୍ତାନ ସେଠାରେ ମହିଳାଙ୍କ ଉପରେ ଅନେକ ପ୍ରତିବନ୍ଧକ ଲଗାଇଛି।