ଭୁବନେଶ୍ୱର,୧୪ା୩ : ବିଜ୍ଞାନ, ପ୍ରଯୁକ୍ତି, ଇଞ୍ଜିନିୟରିଂ ଓ ମ୍ୟାନେଜ୍ମେଂଟ୍ (ଷ୍ଟେମ୍)ରେ ମହିଳାଙ୍କ ଯୋଗଦାନ ବଢ଼ୁଛି। ତେଣୁ କେବଳ ଭାରତ ନୁହେଁ ବରଂ ସାରା ଦୁନିଆର ଲାଭ ପାଇଁ ମହିଳାମାନଙ୍କ ନିମନ୍ତେ ଭାରତ ସରକାର ବିଭିନ୍ନ ପ୍ରକାର ଅଭିଯାନ ଆରମ୍ଭ କରିଛନ୍ତି। ୨୦୩୦ ସୁଦ୍ଧା ଷ୍ଟେମ୍ରେ ମହିଳାମାନଙ୍କ ଭାଗିଦାରୀ ୩୦% ପର୍ଯ୍ୟନ୍ତ ବୃଦ୍ଧି କରିବା ଉପରେ ଆନ୍ତର୍ଜାତିକ ମହିଳା ଦିବସ ଅବସରରେ ଫିକି ପକ୍ଷରୁ ଶିଳ୍ପକ୍ଷେତ୍ରର ବିଶିଷ୍ଟ ବ୍ୟକ୍ତି, ନବସୃଜନକାରୀ ଏବଂ ନୀତି ନିର୍ଧାରକମାନଙ୍କୁ ନେଇ ଏକ ଆଲୋଚନା ଚକ୍ରରେ ମତ ପ୍ରକାଶ ପାଇଛି। ଭାରତ ସରକାରଙ୍କ ପ୍ରତିରକ୍ଷା ସଚିବ ଡକ୍ଟର ଅଜୟ କୁମାର ଉଦଘାଟନୀ ଅଭିଭାଷଣ ପ୍ରଦାନ କରି ଦେଶ ବିକାଶରେ ମହିଳାମାନଙ୍କ ଭୂମିକା ଉପରେ ଗୁରୁତ୍ୱାରୋପ କରିଥିଲେ। ଜୁପିର ଚିଫ୍ କର୍ପୋରେଟ୍ ଆଫେୟାର୍ସ୍ ଆଣ୍ଡ୍ କମ୍ୟୁନିକେସନ୍ ଅଫିସର ଡକ୍ଟର ସୁବି ଚତୁର୍ବେଦୀ କହିଥିଲେ ଯେ ପିଟର୍ସନ୍ ଇନଷ୍ଟିଚ୍ୟୁଟ୍ର ଏକ ସର୍ଭେରୁ ଜଣାପଡ଼ିଛି ଯେ ଯେଉଁ ସଂସ୍ଥାରେ ମହିଳା କର୍ମଚାରୀଙ୍କ ସଂଖ୍ୟା ୩୦%ରୁ ଅଧିକ ରହିଛି ସେଗୁଡ଼ିକର ଲାଭରେ ୧୫% ବୃଦ୍ଧି ହୋଇଛି।