ଭୁବନେଶ୍ୱର,୩୧।୭: ମୈତ୍ରେୟୀ ଲେଖିକା ସଂଗଠନ ତରଫରୁ ଆଭାସୀ ମଞ୍ଚରେ ‘ଓଡ଼ିଶାରେ ନାରୀବାଦର ବିମର୍ଷ ଶୀର୍ଷକ’ ଆଲୋଚନା ଅନୁଷ୍ଠିତ ହୋଇଯାଇଛି । ଏଥିରେ ବକ୍ତା ଭାବେ ସାହିତି୍ୟକା କମଳା ଶତପଥୀ, ସାମ୍ବାଦିକ ଶାଶ୍ୱତୀ କର ଯୋଗଦେଇ ନିଜ ସୁଚିନ୍ତିତ ମତାମତ ଉପସ୍ଥାପନ କରିଥିଲେ ।
‘ଓଡ଼ିଶାରେ ନାରୀବାଦର ବିମର୍ଷ ଶୀର୍ଷକ’ ବିଷୟକୁ ନେଇ ଜ୍ୟୋତ୍ସ୍ନା ମହାପାତ୍ର, ଶର୍ମିଷ୍ଠା ମହାପାତ୍ର, ଅମ୍ବିକା ସ୍ବାଇଁ ପ୍ରବନ୍ଧ ପାଠ କରିଥିବା ବେଳେ ପ୍ରତିଭା ପ୍ରିୟଦର୍ଶିନୀ, ସୁସ୍ମିତା ମହାପାତ୍ର, ରଶ୍ମି ସାହୁ, ମିରିନା ମହାନ୍ତି, ଶକ୍ତିପ୍ରଭା ମିଶ୍ର, ଗାୟତ୍ରୀ ଆର୍ଯ୍ୟ, ଅନିତା ପାଣି ପ୍ରମୁଖ ସ୍ବରଚିତ କବିତା ଆବୃତ୍ତି କରିଥିଲେ।
ନାରୀ ନିଜ ସ୍ବତନ୍ତ୍ରତା ବଜାୟ ରଖିବା ଜରୁରୀ ବୋଲି ଆଲୋଚନାରେ ମତପ୍ରକାଶ ପାଇଥିଲା। ମୈତ୍ରେୟୀ ସଂଗଠନର ବରିଷ୍ଠ ସଦସ୍ୟା ସାମାଜିକ କର୍ମୀ ଭବାନୀ ଭୂୟାଁଙ୍କ ସଭାପତିତ୍ୱରେ ଅନୁଷ୍ଠିତ ଏହି ଆଭାସୀ ମଞ୍ଚକୁ ନିଜର ସୁଲଳିତ ସଂଯୋଜନା ମାଧ୍ୟମରେ ଆକର୍ଷଣୀୟ କରିଥିଲେ ମୈତ୍ରେୟୀ କାର୍ଯ୍ୟନିର୍ବାହୀ ସଦସ୍ୟ ବିଜୟଲକ୍ଷ୍ମୀ ପାଣିଗ୍ରାହୀ। ସଂଗଠନର ଦେବ ରଞ୍ଜନ, ଅମୀୟ ବେଜ, ଓମ୍ ଅଭିଜ୍ଞାନ ସାହୁ, ମୀନକେତନ ପଶାୟତ, ରତ୍ନାକର ବେହେରା, କ୍ଷୀରୋଦ ବିଶ୍ୱାଳ, ପ୍ରିୟମ୍ବଦା ରଥ ପ୍ରମୁଖ ଯୋଗଦେଇ ଥିଲେ। ସୁପ୍ତି କର ଧନ୍ୟବାଦ ଅର୍ପଣ କରିଥିଲେ।