![](https://www.dharitri.com/wp-content/uploads/2021/08/Women.jpg)
କାବୁଲ,୧୯ ।୮: ଆଫଗାନିସ୍ତାନରେ ତାଲିବାନ ରାଜ ଆରମ୍ଭ କରିବା ପରେ ଏବେ ଜୀବନ ବଞ୍ଚାଇବାକୁ ବ୍ୟାକୁଳ ହୋଇ ପଡିଛନ୍ତି ସେଠାକାର ବାସିନ୍ଦା । ତେବେ ଆଫଗାନର ଶାସନକୁ ନେଇ ଆମେରିକା ସେନା ଯେଉଁମାନଙ୍କୁ ସହାୟତା ଯୋଗାଇ ଦେଉଛି ଓ ମହିଳାମାନେ ଅଧିକ ଭୟଭୀତ ହୋଇ ଯାଇଛନ୍ତି । ଏଭଳି ପରିସ୍ଥିତିରେ କୌଣସି ପ୍ରକାର ଦଣ୍ଡରୁ ରକ୍ଷା ପାଇବା ପାଇଁ ବହୁ ସଂଖ୍ୟକ ଲୋକ ବିମାନବନ୍ଦରରେ ପହଞ୍ଚୁଛନ୍ତି । ଯାହାଫଳରେ ଶୀଘ୍ର ଆଫଗାନିସ୍ତାନ ମାଟି ଛାଡିହେବ । ତେବେ ବିମାନ ବନ୍ଦରରେ ବିଶୃଙ୍ଖଳାକୁ ରୋକିବା ପାଇଁ ଆମେରିକା ଓ ବ୍ରିଟିଶ ସେନା ତାରବାଡ ନିର୍ମାଣ କରିଛନ୍ତି । ଏହାଦ୍ୱାରା କେବଳ ବଛାବଛା ଲୋକେ ବିମାନ ବନ୍ଦରରେ ପ୍ରବେଶ କରିବେ । ହେଲେ ଏହାକୁ ଦେଖି ମହିଳାମାନେ ତାରବାଡ ଡିଆଁଇ ସେମାନଙ୍କ ପିଲାମାନଙ୍କୁ ଫୋପାଡି ଦେବା ପରେ ଜିନ ଜୀବନ ବଞ୍ଚାଇବାକୁ ସେନାଙ୍କୁ ସାହାଯ୍ୟ ମାଗୁଥିବା କୁହାଯାଉଛି । ସ୍କାଏ ନ୍ୟୁଜର ଏକ ରିପୋର୍ଟ ଅନୁଯାୟୀ, ବିମାନ ବନ୍ଦରରେ ଠିଆ ହୋଇଥିବା ଗାର୍ଡଙ୍କ ଏହା ହେଉଛି ଅନୁଭୁତି । ଅନ୍ୟପଟେ ବ୍ରିଟିଶ ସେନାର ଜଣେ ଅଧିକାରୀ କହିଛନ୍ତି ଯେ ମହିଳାମାନଙ୍କର ଏଭଳି ପଦକ୍ଷେପ ଦେଖି ଖୁବ୍ ଦୁଃଖ ଲାଗୁଛି । ଏହା ବିପଜ୍ଜନକ ଜାଣି ମଧ୍ୟ ମହିଳାମାନେ ସେମାନଙ୍କ ପିଲାମାନଙ୍କୁ ତାର ବାଡ ଡିଆଁଇ ଫିଙ୍ଗି ଦେବା ବେଶ୍ ଛାତିଥରା ଦୃଶ୍ୟ । କେତେଜଣ ପିଲା ଠିକ୍ ଭାବେ ଆରପଟେ ପଡିଯାଉଥିବା ବେଳେ କେତେଜଣ ତାରବାଡରେ ଫସିଯିବା ଆହୁରି ହୃଦୟ ବିଦାରକ ।