ପାଟଣା,୧୩।୪(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ନିର୍ବାଚନ ମଣ୍ଡଳୀ ସ୍ତରୀୟ ୫୬ଟି ପଞ୍ଚାୟତ ମହିଳା କର୍ମୀଙ୍କୁ ନେଇ ମା କବଚ ସମାରୋହ ଶନିବାର ସାହାରପଡ଼ା ବ୍ଲକ ମାଛ ଗଡ ପଞ୍ଚାୟତରେ ଅନୁଷ୍ଠିତ ହୋଇଛି। ମହିଳାମାନେ କେନ୍ଦୁଝର ଏମପି ପ୍ରାର୍ଥୀ ଧନୁର୍ଯ୍ୟୟ ସିଦ୍ଧୁ ଓ ପାଟଣା ବିଜେଡି ବିଧାୟକ ପ୍ରାର୍ଥୀ ଜଗନ୍ନାଥ ନାଏକଙ୍କୁ ରାକ୍ଷୀ ବାନ୍ଧି ବିଜୟ କାମନା କରିଛନ୍ତି। ମହିଳାମାନେ ଅତିଥି ମାନଙ୍କୁ ବିରାଟ ପଟୁଆରରେ ନୃତ୍ୟ ଗୀତ ତାଳରେ ପାଛୋଟି ଆଣିଥିଲେ। ପାଟଣା ନିର୍ବାଚନ ମଣ୍ଡଳୀ ମହିଳା ସଂଯୋଜିକା କିରଣ ବାଳା ସିଂଙ୍କ ସଂଯୋଜନାରେ କେନ୍ଦୁଝର ବିଜେଡି ଏମପି ପ୍ରାର୍ଥୀ ଧନୁର୍ଜୟ ସିଦ୍ଧୁ, ପାଟଣା ବିଜେଡି ବିଧାୟକ ପ୍ରାର୍ଥୀ ଜଗନ୍ନାଥ ନାଏକ ସଭାରେ ଯୋଗ ଦେଇଥିଲେ। ସଭାରେ ନିର୍ବାଚନ ମଣ୍ଡଳୀ ପର୍ଯ୍ୟବେକ୍ଷକ ଡାକ୍ତର ହରିଶ ଚୌଧୁରୀ, ନିର୍ବାଚନ ମଣ୍ଡଳୀ ସଂଯୋଜକ କାନନ ବିହାରୀ ପୋହୀ, ବରିଷ୍ଠ ବିଜେଡି ନେତା ଆଶିଷ ଚକ୍ରବର୍ତ୍ତୀ, ପୂର୍ବତନ ପାଟଣା ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥୀ ଭବାନୀ ଶଙ୍କର ନାୟକ, ପାଟଣା ବ୍ଲକ ଅଧ୍ୟକ୍ଷା ସୁକାନ୍ତି ନାଏକ, ଉପାଧ୍ୟକ୍ଷା ବୀଣା ପାଣି ନାୟକ,ସାହାର ପଡ଼ା ବ୍ଲକ ଅଧକ୍ଷ ରିନା ନାୟକ, ଉପାଧ୍ୟକ୍ଷା ଛବି ରାଣୀ ସେଠୀ, ଝୁମ୍ପୁରା ବ୍ଲକ ଅଧ୍ୟକ୍ଷା ମାଳତୀ ନାୟକ, ଜିଲା ପରିଷଦ ସଦସ୍ୟା ରୁନୁ ମହାନ୍ତ ,ଚମ୍ପା ବତୀ ଟୁଡୁ, ମହିଳା ନେତ୍ରୀ ବିନତୀ ବାନରାଙ୍କ ସହ ବହୁ ଆଗ ଧାଡ଼ିର ମହିଳା ନେତ୍ରୀ ଯୋଗ ଦେଇଥିଲେ।