ସିଲହଟ,୧୦।୧୦ : ମହିଳା ଏସିଆ କପ ୨୦୨୨ ରେ ଆଜି ଭାରତୀୟ ମହିଳା ଦଳ ଥାଇଲାଣ୍ଡକୁ ଭେଟିବ।ଏହି ମ୍ୟାଚ ବାଂଲାଦେଶର ସିଲହେଟ ଇଣ୍ଟରନ୍ୟାଶନାଲ କ୍ରିକେଟ ଷ୍ଟାଡିୟମରେ ଅପରାହ୍ନ ୧ ଟାରୁ ଖେଳାଯିବ। ଭାରତ ମହିଳା ଦଳ ଟୁର୍ନାମେଣ୍ଟରେ ଭଲ ପ୍ରଦର୍ଶନ କରୁଛି ଏବଂ ପଏଣ୍ଟ ଟେବୁଲରେ ଏକ ନମ୍ବର ସ୍ଥାନରେ ରହିଛି। ଏପର୍ଯ୍ୟନ୍ତ ଖେଳାଯାଇଥିବା ୫ ଟି ମ୍ୟାଚ ମଧ୍ୟରୁ ୪ ଟି ଟିମ୍ ଇଣ୍ଡିଆ ଜିତିଛି। ଭାରତ ପୂର୍ବରୁ ଶ୍ରୀଲଙ୍କା, ମାଲେସିଆ, ୟୁଏଇ ଏବଂ ବାଂଲାଦେଶକୁ ପରାସ୍ତ କରିଛି।
ଭାରତୀୟ ମହିଳା ଦଳ ପୂର୍ବରୁ ମହିଳା ଏସିଆ କପ ୨୦୨୨ ର ସେମିଫାଇନାଲରେ ପ୍ରବେଶ କରିସାରିଛି ଏବଂ ବର୍ତ୍ତମାନ ଥାଇଲାଣ୍ଡ ବିପକ୍ଷ ମ୍ୟାଚରେ ନୂତନ ଖେଳାଳିଙ୍କୁ ପରୀକ୍ଷା କରାଯାଇପାରିବ।
ସିଲହଟ ଇଣ୍ଟରନ୍ୟାଶନାଲ କ୍ରିକେଟ ଷ୍ଟାଡିୟମର ପିଚ ବୋଲରମାନଙ୍କ ପାଇଁ ବହୁତ ସହାୟକ ହେଉଛି। ଏଠାରେ ପ୍ରଥମେ ବ୍ୟାଟିଂ କରି୧୪୦ ଅବା ୧୫୦ରନ ସ୍କୋର ଭଲ ବୋଲି ବିବେଚନା କରାଯାଏ। ଏହା ବ୍ୟତୀତ ସ୍ପିନରମାନେ ପିଚରୁ ବହୁତ ଫାଇଦା ପାଇବେ ବୋଲି କୁହାଯାଉଛି। ଉଭୟ ଦଳର ସ୍ପିନର ବ୍ୟାଟ୍ସମ୍ୟାନଙ୍କ ପାଇଁ ଅସୁବିଧା ସୃଷ୍ଟି କରିପାରନ୍ତି।