ପ୍ୟାରିସ୍,୧।୧୦(ଏପି): ଫ୍ରେଞ୍ଚ୍ ଓପନ୍ ମହିଳା ସିଙ୍ଗଲ୍ସରେ ମଧ୍ୟ ତାରକା ଖେଳାଳିମାନେ ଅଗ୍ରଗତି କରି ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି। ଆହତ ସମସ୍ୟା ଯୋଗୁ ସେରେନା ଓ୍ବଲିୟମ୍ସ ଦ୍ୱିତୀୟ ରାଉଣ୍ଡରୁ ଓହରିଯିବା କାରଣରୁ ବୁଲ୍ଗେରିଆର ଶ୍ୱେତାନା ପିରଙ୍କୋଭା ଓ୍ବାକ୍ଓଭର ପାଇ ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି। ସେହିପରି କାନାଡ଼ାର ୟୁଗେନି ବୌଚାର୍ଡ ୫-୭, ୬-୪, ୬-୩ ସେଟ୍ରେ ଅଷ୍ଟେଲିଆର ଡାରିଆ ଗାଭରିଲୋଭାଙ୍କୁ ହରାଇ ତୃତୀୟ ରାଉଣ୍ଡକୁ ଉଠିଛନ୍ତି। ଚେକ୍ ଗଣରାଜ୍ୟର କାଟେରିନା ସିନିଆକୋଭା ରୁଷିଆର ଆନାଷ୍ଟାସିଆ ପାଭଲ୍ୟୁଚେଙ୍କୋଭାଙ୍କୁ ଦ୍ୱିତୀୟ ରାଉଣ୍ଡରେ ୬-୩, ୬-୪ ସେଟ୍ରେ ପରାସ୍ତ କରି ଅଗ୍ରଗତି କରିଛନ୍ତି। ତୃତୀୟ ରାଉଣ୍ଡରେ ସେ ଡଚ୍ ଖେଳାଳି କିକି ବେର୍ଟେନ୍ସଙ୍କୁ ଭେଟିବେ। ବେର୍ଟେନ୍ସ ଦ୍ୱିତୀୟ ରାଉଣ୍ଡରେ ଇଟାଲୀର ସାରା ଇରାନୀଙ୍କୁ ୭-୬, ୩-୬, ୯-୭ ସେଟ୍ରେ ହରାଇ ଅଗ୍ରଗତି କରିଛନ୍ତି। ସେହିପରି ୟୁକ୍ରେନ୍ର ତୃତୀୟ ସିଡ୍ ଖେଳାଳି ଏଲିନା ଭିଟୋଲିନା ମେକ୍ସିକୋର ରେନାଟା ଜାରାଜୁଆଙ୍କୁ ୬-୩, ୦-୬, ୬-୨ ସେଟ୍ରେ ହରାଇ ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି।