ରଥ ନିର୍ମାଣ ପାଇଁ ବରଗଡ଼ରୁ ପୁରୀ ଯିବ କାଠ: ଆଜିଠାରୁ ପଦ୍ମପୁରରେ କାଠ ପାଇଁ ସର୍ଭେ କାର୍ଯ୍ୟ
9:39 amMarch 25, 2025March 25, 2025 / 09

ବରଗଡ଼, ୨୫।୩(ପ୍ରେମାନନ୍ଦ ଖମାରୀ): ପୁରୀ ରଥଯାତ୍ରାର ରଥ ନିର୍ମାଣ ପାଇଁ ଏଥର ବରଗଡ଼ରୁ ପୁରୀକୁ କାଠ ଯିବ। ଏଥିପାଇଁ ଶ୍ରୀମନ୍ଦିର ପ୍ରଶାସନ ପ୍ରକ୍ରିୟା ଆରମ୍ଭ କରିଛି। ଏହି କ୍ରମରେ ଶ୍ରୀମନ୍ଦିର ପ୍ରଶାସନର ଏକ ୪ଛଣିଆ ଟିମ୍ ବରଗଡ଼ ଅଭିମୁଖେ ଆସୁଛନ୍ତି। ମଙ୍ଗଳବାର ସେମାନେ ଏଠାକୁ ପହଞ୍ଚିବେ। ତେବେ ସେମାନେ କାଠ ଚିହ୍ନଟ ପାଇଁ ପ୍ରଥମେ ପଦ୍ମପୁର ଅଞ୍ଚଳର ଜଙ୍ଗଲକୁ ଯିବେ ଏବଂ କାଠ ଚିହ୍ନଟ କରିବେ। କାଠ ପସନ୍ଦ ହେଲେ ତାହା ପୁରୀକୁ ନିଆଯିବ ବୋଲି ବରଗଡ଼ ଡିଏଫଓ ବିକ୍ରମଦେବ ପଟ୍ଟନାୟକ କହିଛନ୍ତି। ତେବେ କାଠ ଚିହ୍ନଟ ସର୍ଭେ ସମୟରେ ସେ ମଧ୍ୟ ଉପସ୍ଥିତ ରହିବେ ବୋଲି ଡିଏଫଓ ପଟ୍ଟନାୟକ ସୂଚନା ଦେଇଛନ୍ତି।