ଭୋପାଳ,୨୮।୧୨ : ମଧ୍ୟପ୍ରଦେଶ ହାଇକୋର୍ଟ ଆତ୍ମହତ୍ୟା ମାମଲାରେ ରାୟ ଦେଇ କହିଛନ୍ତି ଯେ କ୍ରୋଧରେ କୁହାଯାଇଥିବା ଶବ୍ଦ ଆତ୍ମହତ୍ୟା ପାଇଁ ଉସୁକାଇବା ଭାବେ ବିବେଚନା କରାଯାଇପାରିବ ନାହିଁ। ୨୦୨୦ରେ ଜଣେ ବ୍ୟକ୍ତିଙ୍କ ଆତ୍ମହତ୍ୟା କରିବା ମାମଲାର ଶୁଣାଣି କରି କୋର୍ଟ ଏହି ରାୟ ଦେଇଛନ୍ତି। ୨୦୨୦ ମସିହାରେ, ଦାମୋହ ଜିଲାର ମୁରତ ଲୋଧ ବିଷ ପିଇ ଆତ୍ମହତ୍ୟା କରିଥିଲେ। ତାଙ୍କ ଆତ୍ମହତ୍ୟା ନୋଟରେ ୩ ଅଭିଯୁକ୍ତଙ୍କ ନାମ ଲେଖିଥିଲେ।
ମୃତ ମୁରତ ଲୋଧି ଭୁପେନ୍ଦ୍ର ଲୋଧିଙ୍କ ଠେଙ୍ଗା ମାଡ଼ ଏବଂ ଦୁର୍ବ୍ୟବହାର ବିଷୟରେ ଲେଖିଥିଲେ। ଆତ୍ମହତ୍ୟା ନୋଟରେ ମୁରତ ଲେଖିଛନ୍ତି ଯେ ସେ ପଥରିଆ ପୋଲିସ ଷ୍ଟେଶନରେ ଏଫଆଇଆର୍ ଦାଖଲ କରିବା ପରେ ଘରକୁ ଫେରିଥିଲେ। ପରେ ରାଜେନ୍ଦ୍ର ଲୋଧି ଏବଂ ଭାନୁଲୋଧିତାଙ୍କୁ ଆପୋଷ ବୁଝାମଣା କରିବାକୁ ଚାପ ପକାଉଥିଲେ ଏବଂ ରାଜି ନହେଲେ ତାଙ୍କୁ ଭୟଙ୍କର ପରିଣାମ ଭୋଗୀବାକୁ ମଧ୍ୟ ଧମକ ଦେଇଥିଲେ।
ଆତ୍ମହତ୍ୟା ନୋଟକୁ ଭିତ୍ତି କରି ପୋଲିସ ମୁରାତଙ୍କ ଆତ୍ମହତ୍ୟା ମାମଲାରେ ଆଇପିସିର ଧାରା ୩୦୬ ଏବଂ ୩୪ ଅନୁଯାୟୀ ରାଜେନ୍ଦ୍ର, ଭୁପେନ୍ଦ୍ର ଏବଂ ଭାନୁଙ୍କ ବିରୋଧରେ ମାମଲା ରୁଜୁ କରିଥିଲା। ଟ୍ରାଏଲ କୋର୍ଟରେ ଚାର୍ଜଶିଟ ଦାଖଲ କରିବା ପରେ ଏହି ତିନି ଅଭିଯୁକ୍ତ ସେମାନଙ୍କ ବିରୋଧରେ ଆସିଥିବା ରାୟକୁ ଚ୍ୟାଲେଞ୍ଚ କରି ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ।
ଜଷ୍ଟିସ ସୁଜୟ ପାଲଙ୍କ ବେଞ୍ଚ ଉଭୟ ପକ୍ଷର ଯୁକ୍ତି ଶୁଣିବା ପରେ ସମାନ ମାମଲାରେ ସୁପ୍ରିମକୋର୍ଟଙ୍କ ପୂର୍ବ ନିର୍ଦ୍ଦେଶକୁ ସୂଚାଇ କହିଛନ୍ତି ଯେ ଆତ୍ମହତ୍ୟାକୁ ବନ୍ଦ କରିବା ଏକ ମାନସିକ ପ୍ରକ୍ରିୟା। ଅଦାଲତ ତାଙ୍କ ନିଷ୍ପତ୍ତିରେ କହିଛନ୍ତି, କ୍ରୋଧରେ କୁହାଯାଇଥିବା ଶବ୍ଦ କୌଣସି ବ୍ୟକ୍ତି କିମ୍ବା ଗୋଷ୍ଠୀ ବିରୁଦ୍ଧରେ ଆତ୍ମହତ୍ୟା ଅଭିଯୋଗ ପାଇଁ ଉପଯୁକ୍ତ ମାମଲା ରୁଜୁ କରେ ନାହିଁ। ଯଦି କୌଣସି ବ୍ୟକ୍ତିଙ୍କୁ ଗାଳିଗୁଲଜ କରିବା କିମ୍ବା ଧମକ ଦେବା ପରେ ସେ ଆତ୍ମହତ୍ୟା କରନ୍ତି, ତେବେ ଆତ୍ମହତ୍ୟା ନୋଟକୁ ଭିତ୍ତି କରି ଅଭିଯୋଗ ହୋଇପାରିବ ନାହିଁ। ଏହି ମାମଲାରେ ଚୂଡ଼ାନ୍ତ ରାୟ ଦେବା ସହିତ ହାଇକୋର୍ଟ ଅଭିଯୁକ୍ତକୁ ନିର୍ଦ୍ଦୋଷରେ ଖଲାସ କରିଛନ୍ତି।