ନୂଆଦିଲ୍ଲୀ,୨୫।୭: ଏବେ ସୋସିଆଲ୍ ମିଡ଼ିଆରେ ଏକ ଭିଡ଼ିଓ ବେଶ୍ ଭାଇରାଲ ହେବାରେ ଲାଗିଛି। ଭିଡ଼ିଓରେ ବିବାହ ବେଦୀରେ ବର ଲାପଟପ୍ ଧରି କାମ କରିବାରେ ବ୍ୟସ୍ତ। ପଣ୍ଡିତ ମନ୍ତ୍ର ପଢୁଥିବାବେଳେ ବରଙ୍କର କନ୍ୟା ଅବା ଅନ୍ୟ ଅତିଥିଙ୍କ ପ୍ରତି ନିଘା ନାହିଁ। ସେ ନିଜ କାମ କରି ଚାଲିଛନ୍ତି। କାମ ଶେଷ ପରେ ସେ ବିବାହ ପରମ୍ପରା ପାଳନ କରିଛନ୍ତି। ବରଙ୍କର ଏଭଳି କାର୍ଯ୍ୟ ଦେଖି କନ୍ୟା ହସି ହସି ବେଦମ୍ ହେଉଥିବାର ଭିଡ଼ିଓରେ ଦେଖିବାକୁ ମିଳୁଛି। କିନ୍ତୁ ବର କନ୍ୟାଙ୍କ ହସ ପ୍ରତି ଦୃଷ୍ଟି ନ ଦେଇ କେବଳ କାମ କରି ଚାଲିଛନ୍ତି। ଏହି ଭିଡ଼ିଓକୁ ଦୁହ୍ଲନିଆ ନାମକ ୟୁଜରଙ୍କ ଇନଷ୍ଟାଗ୍ରାମ୍ରେ ଅପଲୋଡ୍ କରାଯାଇଛି। ଏହାକୁ ନେଇ ବିଭିନ୍ନ ୟୁଜର ଭିନ୍ନ ଭିନ୍ନ କମେଣ୍ଟ ଦେଇଛନ୍ତି। କରୋନା ମହାମାରୀ ଯୋଗୁ ବିଭିନ୍ନ କମ୍ପାନୀ କର୍ମଚାରୀଙ୍କୁ ଓ୍ବାର୍କ ଫ୍ରମ୍ ହୋମ୍ ସୁବିଧା ଯୋଗାଇ ଦେଇଥ୍ତ୍ବାବେଳେ ବର ଓ୍ବାର୍କ ଫ୍ରମ୍ ଓ୍ବେଡିଂ କରୁଥିବା କେତେକ ୟୁଜର ମତ ଦେଇଛନ୍ତି। ତେବେ ଭିଡ଼ିଓଟି କେବେ ଶୁଟିଂ କରାଯାଇଛି ଏବଂ ଏହା କେଉଁଠି ହୋଇଛି ସେ ନେଇ କୌଣସି ସୂଚନା ମିଳିପାରିନାହିଁ।