![](https://www.dharitri.com/wp-content/uploads/2023/08/kk.jpg)
ଭବାନୀପାଟଣା,୧୧।୮(ଉତ୍ତମ କୁମାର ଦାଶ): କଳାହାଣ୍ଡି ଜିଲା ଭବାନୀପାଟଣାସ୍ଥିତ ପୂର୍ତ୍ତ ବିଭାଗରେ ଅନେକ ପଦବୀ ଖାଲି ପଡିଥିବାରୁ ଏବେ କାର୍ଯ୍ୟରେ ବାଧା ସୃଷ୍ଟି ହେଉଛି। ମିଳିଥିବା ସୂଚନା ଅନୁଯାୟୀ, ଜିଲାରେ ୩ଟି ଏସ୍ଡିଓ ପଦବି ଖାଲିପଡିଛି। ସେଗୁଡିକ ହେଲା ଏମ୍. ରାମପୁର ସବଡିଭିଜନ, କେସିଙ୍ଗା ସବଡିଭିଜନ ଓ ବିଲଡିଙ୍ଗ ସବ୍ (୨) ଡିଭିଜନର ଏସଡିଓ ପଦବି ଖାଲିପଡିଛି। କେସିଙ୍ଗା ଏସ୍ଡିଓ ଯାଜପୁରକୁ ଡେପୁଟେଶନରେ ଯାଇଥିବା ଓ ଏମ୍. ରାମପୁର ସବିଡିଭିଜନ ଏସ୍ଡିଓ ଭିଆରଏସ ନେଇଯିବାରୁ ପଦବି ଖାଲିପଡିଛି। ସେହିପରି ଜୁନାଗଡ ସବଡିଭିଜନ ଏସଡିଓ ଜିଲା କାର୍ଯ୍ୟାଳୟର ଇଷ୍ଟିମେଷ୍ଟର ଭାବେ ଦାୟିତ୍ୱ ତୁଲାଉଛନ୍ତି। ଜିଲାରେ ସମୂଦାୟ ୨୫ଟି କନିଷ୍ଠ ଯନ୍ତ୍ରୀ ପଦବୀ ରହିଥିବାବେଳେ ସେଥିମଧ୍ୟରୁ ବର୍ତ୍ତମାନ ୧୫ଜଣ କନିଷ୍ଟ ଯନ୍ତ୍ରୀ ଅଛନ୍ତି। ଅବଶିଷ୍ଟ ୧୦ଜଣ କନିଷ୍ଠ ଯନ୍ତ୍ରୀ ପଦବି ଖାଲିପଡିଛି। ଚଳିତବର୍ଷ ଜିଲାରେ ୧୦ଟି ପୋଲ ନିର୍ମାଣ ପାଇଁ ପ୍ରସ୍ତାବ ଯାଇଥିବାବେଳେ ସେଠାରୁ ଆସି ଟେଣ୍ଡର ହୋଇ ବର୍ଷ ଶେଷ ସୁଦ୍ଧା ନିର୍ମାଣ କାର୍ଯ୍ୟ ସରିବ ବୋଲି ଜଣାପଡିଛି। ସେହିପରି ଚଳିତ ବର୍ଷ ଜିଲାରେ ୨୨ଟି ନୂଆ ପୂର୍ତ୍ତ ବିଭାଗ ରାସ୍ତା ହେବ। ଏଥିରେ ଜିଲାର ଅନେକ ଗୁରୁତ୍ୱ ପୂର୍ଣ୍ଣ ରାସ୍ତା ଥିବାବେଳେ ସେଥିମଧ୍ୟରୁ ଜୁନାଗଡ ହାତୀନଦୀ ବ୍ରିଜଠାରୁ ଆଟିଗଁା ଓ ଆଟିଗଁାଠାରୁ ଏସ୍କୁଣ୍ଡାମାଲ ପର୍ଯ୍ୟନ୍ତ ରାସ୍ତା ରହିଛି। ଏହି ମାସ ଶେଷ ସୁଦ୍ଧା ଏହି ରାସ୍ତାର ଟେଣ୍ଡର ଡକାଯାଇ ଆସନ୍ତା ଆର୍ଥତ୍କ ବର୍ଷରେ ରାସ୍ତା ନିର୍ମାଣ ଶେଷ ହେବ ବୋଲି ବିଭାଗ ପକ୍ଷରୁ ଜଣାପଡିଛି। ଏହାସହ ଜିଲାର ୧୦ଟି ଗ୍ରାମ୍ୟ ଉନ୍ନୟନ ବିଭାଗ ରାସ୍ତାକୁ ପିଡବ୍ଲ୍ୟୁଡି ବିଭାଗକୁ ହସ୍ତାନ୍ତର କରାଯାଇଥିବା ବେଳେ ନୂତନ ରାସ୍ତା ପାଇଁ ବିଭାଗ ପକ୍ଷରୁ ଏହାର ପ୍ରସ୍ତାବ ଯାଇଥିବା ଜଣାପଡିଛି। ଏ ନେଇ ଭବାନୀପାଟଣାସ୍ଥିତ ପୂର୍ତ୍ତ ବିଭାଗ ଅଧୀକ୍ଷଣ ଯନ୍ତ୍ରୀ ଇଂ ପ୍ରକାଶ କୁମାର ବେହେରାଙ୍କୁ ପଚାରିବାରୁ କର୍ମଚାରୀ ଅଭାବରୁ କାର୍ଯ୍ୟରେ ବାଧା ସୃଷ୍ଟି ହେଉଥିବା କହିଥିଲେ। ଖାଲିପଡିଥିବା ପଦବି ପୂରଣ କରିବାକୁ ଜିଲାପାଳ ଓ ଉପରିସ୍ଥ ଅଧିକାରୀଙ୍କୁ ଜଣାଇଥିବା ପ୍ରକାଶ କରିଥିଲେ।