ଅହମଦାବାଦ,୧୮।୧୧: ଆଇସିସି ପୁରୁଷ କ୍ରିକେଟ୍ ବିଶ୍ୱକପ୍ ର ଫାଇନାଲ ମ୍ୟାଚ୍ ବିଶ୍ୱର ଦୁଇ ମହାନ ଦଳ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯିବ। ଗୁଜୁରାଟର ଅହମ୍ମଦାବାଦର ନରେନ୍ଦ୍ର ମୋଦୀ କ୍ରିକେଟ୍ ଷ୍ଟାଡିୟମରେ ଅନୁଷ୍ଠିତ ହେବାକୁ ଥିବା ଏହି ମ୍ୟାଚ୍ ଭାରତୀୟ ସମୟ ଦ୍ୱିପ୍ରହରରୁ ଖେଳାଯିବ। ପ୍ରତ୍ୟେକ ଦିନ କ୍ରିକେଟ୍ ପ୍ରେମୀ ସହରର ପାଗ କିପରି ରହିବ ତାହା ଉପରେ ନଜର ରଖିଛନ୍ତି।
ଭାରତୀୟ ପାଣିପାଗ କେନ୍ଦ୍ର ଅନୁଯାୟୀ ରବିବାର ଦିନ ଅହମ୍ମଦାବାଦର ପାଗ ମହାମୁକାବିଲା ପାଇଁ ସମ୍ପୂର୍ଣ୍ଣ ଅନୁକୂଳ ହେବ। ଉଭୟ ଦଳ ପିଚ୍ରେ ମୁହାଁମୁହିଁ ହେବା ପାଇଁ ପାଗ ସମ୍ପୂର୍ଣ୍ଣ ଉପଯୁକ୍ତ ହେବ। ଉଜ୍ଜ୍ୱଳ ସୂର୍ଯ୍ୟକିରଣ ଏବଂ ସ୍ୱଚ୍ଛ ଆକାଶ ସହିତ ସର୍ବାଧିକ ତାପମାତ୍ରା ରେକର୍ଡ ୩୩ ଡିଗ୍ରୀ ଏବଂ ସର୍ବନିମ୍ନ ତାପମାତ୍ରା ୨୧ ଡିଗ୍ରୀ ସେଲସିୟସ ହେବ ବୋଲି ଆଶା କରାଯାଉଛି।
ରବିବାର ଦିନ ଆଦୌ ବର୍ଷା ହେବ ନାହିଁ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। ତେବେ ସନ୍ଧ୍ୟାରେ ଆର୍ଦ୍ରତା ସ୍ତର ବୃଦ୍ଧି ପାଇବ ବୋଲି ଆଶା କରାଯାଉଛି। ସରଳ ଶବ୍ଦରେ କହିବାକୁ ଗଲେ ବର୍ଷା ହେବାର କୌଣସି ସମ୍ଭାବନା ନାହିଁ। ଆଇଏମଡି ଅନୁଯାୟୀ, ଅହମ୍ମଦାବାଦର ପାଣିପାଗ ୧୯ ରୁ ୨୨ ନଭେମ୍ବର ପର୍ଯ୍ୟନ୍ତ ସ୍ପଷ୍ଟ ରହିବ ବୋଲି ଆଶା କରାଯାଉଛି।