ଟୋକିଓ,୩୦।୬: ଜାପାନରେ ଆର୍ଟିଫିସିୟଲ ଇଣ୍ଟଲିଜେନ୍ସ(ଏଆଇ) ଉପରେ ଆଧାରିତ ବିଶ୍ୱର ପ୍ରଥମ ଫିଲ୍ମ ନିର୍ମାଣ ହେବାକୁ ଯାଉଛି। ଏହି ଫିଲ୍ମରେ ମୁଖ୍ୟ ଭୂମିକାରେ ଏଆଇ ରୋବୋକୁ ଦେଖିବାକୁ ମିଳିବ ବୋଲି ଶୁଣିବାକୁ ମିଳିଛି। ସବୁଠାରୁ ବଡ କଥା ହେଲା ଏହି ଫିଲ୍ମରେ କାମ କରିବା ପାଇଁ ଉକ୍ତ ରୋବୋକୁ ୭ କୋଟି ଡଲାର ବା ପାଖାପାଖି ୫୨୮ କୋଟି ଟଙ୍କା ପ୍ରଦାନ କରାଯିବ। ଏହି ଫିଲ୍ମର ନାମ ମଧ୍ୟ ରଖାଯିବ। ମିଳିଥିବା ସୂଚନାରୁ ଜଣାପଡିଛି କି ନିର୍ମାତା ଏହି ଫିଲ୍ମ ପାଇଁ ୭୦ କୋଟି ଡଲାରର ବଜେଟ ରଖିଛନ୍ତି। ନିର୍ମାତାଙ୍କ କହିବା କଥା ହେଲା ଏହି ଫିଲ୍ମ ୨୦୨୧ରେ ରିଲିଜ୍ କରାଯିବ। ଫିଲ୍ମର ମୁଖ୍ୟ ଭୂମିକାରେ ଆସୁଥିବା ରୋବୋ ଏକ ମହିଳା ଚରିତ୍ରରେ ନଜର ଆସିବ। ଫିଲ୍ମର କାହାଣୀ ଜଣେ ବୈଜ୍ଞାନିକଙ୍କ ଉପରେ ଆଧାରିତ। ଯିଏକି ଏକ କାର୍ଯ୍ୟକ୍ରମ ସହ ଜଡିତ ଥିବା ଦୁର୍ଘଟଣା ବିଷୟରେ ତଥ୍ୟ ସଂଗ୍ରହ କରୁଛି। ଜାପାନୀ ବୈଜ୍ଞାନିକ ହିରୋଶି ଇଶିଗୁରୋ ଓ କୋହେଇ ଓଗାଓ୍ବା ନିଜ ରୋବୋଟିକ୍ସ ଅଧ୍ୟୟନର ଏକ ଭାଗ ହିସାବରେ ଏରିକକୁ ବିକଶିତ କରିଛନ୍ତି। ସେମାନେ ହିଁ ଏରିକର କୃତ୍ରିମ ବୁଦ୍ଧିକୁ ଅଭିନୟ କରିବାକୁ ଶିକ୍ଷା ଦେଇଛନ୍ତି।
