ଶ୍ରୀନଗର,୧୪।୩: ଭାରତର ଜମ୍ମୁ-କଶ୍ମୀର ରାଜ୍ୟରେ ବିଶ୍ୱର ସବୁଠୁ ଉଚ୍ଚା ରେଲ୍ଓ୍ବେ ଆର୍କ ବ୍ରିଜ୍ (Railway Arch Bridge) ତିଆରି କରାଯାଉଛି। ଏହି ରେଲ୍ଓ୍ବେ ବ୍ରିଜ୍ ପ୍ୟାରିସର ଆଇଫେଲ୍ ଟାଓ୍ବାରଠାରୁ ୩୫ ମିଟର ଉଚ୍ଚ। ଏହି ବ୍ରିଜଟି ଖମ୍ବ ଉପରେ ଝୁଲି ରହିଛି। କୁତବମୀନାର ଠାରୁ ଏହାର ଉଚ୍ଚତା ଅଧିକ। କୁତବମୀନାର ୭୫ ମିଟର ହୋଇଥିବା ବେଳେ ଏହି ବ୍ରିଜର ଉଚ୍ଚତା ୧୩୧ ମିଟର। ଏହାର ଲମ୍ବ ୧୩୧୫ ମିଟର। ନଦୀଠାରୁ ୩୫୯ ମିଟର ଉଚ୍ଚରେ ଏହା ରହିଛି।
ଏଥିରେ ରୋପ୍ ଲିଫ୍ଟର ସୁବିଧା ରହିବ। ସେନ୍ସର ବି ଲଗାଯିବ। ଯେଉଁଥିରେ କୌଣସି ପ୍ରକାର ଅସୁବିଧା ହେଲେ ତୁରନ୍ତ ଜଣାପଡ଼ିଯିବ।
ରେଳମନ୍ତ୍ରୀ ପୀୟୂଷ ଗୋୟଲ କିଛିଦିନ ପୂର୍ବରୁ ଟୁଇଟ୍ କରି ଏ ସମ୍ପର୍କରେ ସୂଚନା ଦେଇଥିଲେ। ସେ କହିଥିଲେ, ଜମ୍ମୁ-କଶ୍ମୀରର କ୍ୟାରି ଅଞ୍ଚଳରେ ନିର୍ମାଣ କରାଯାଉଥିବା ବିଶ୍ୱର ସବୁଠୁ ଉଚ୍ଚ ରେଳ ବ୍ରିଜ। ଏହାର ନିର୍ମାଣ କୋଙ୍କଣ ରେଲଓ୍ବେ କର୍ପୋରେଶନ ଲିମିଟେଡ ଦ୍ୱାରା କରାଯାଉଛି। ଏହି ବ୍ରିଜ ଦ୍ୱାରା ଉଦମପୁର-ଶ୍ରୀନଗର-ବାରାମୂଳା ବ୍ୟତୀତ ଦେଶର ଅନ୍ୟ ରାଜ୍ୟଗୁଡ଼ିକୁ ମଧ୍ୟ ଯୋଡ଼ାଯାଇପାରିବ ବୋଲି ସେ କହିଥିଲେ।
