ହାଇଦ୍ରାବାଦ: ହାଇଦ୍ରାବାଦର ବାଳକ ଏସ୍.ପି. ଶଙ୍କର। ମାତ୍ର ୯ ବର୍ଷ ବୟସରେ ସେ ବିଭିନ୍ନ ଶୈଳୀରେ ରୁବିକ୍ସ କ୍ୟୁବ୍ ସମାଧାନ କରି ଆନ୍ତର୍ଜାତୀୟ ସ୍ତରର ପୁରସ୍କାର ହାସଲ କରିପାରିଛନ୍ତି।
ହାଇଦ୍ରାବାଦର ମାତ୍ର ୯ ବର୍ଷ ବୟସର ବାଳକ ହେଉଛନ୍ତି ଏସ୍.ପି. ଶଙ୍କର। ରୁବିକ୍ସ କ୍ୟୁବ୍କୁ ଭିନ୍ନ ଶୈଳୀରେ ସମାଧାନ କରି ଏବେ ସେ ଜାତୀୟ ସ୍ତରର ପୁରସ୍କାର ସହିତ ଅନ୍ତର୍ଜାତୀୟ ପୁରସ୍କାର ବି ହାସଲ କରିପାରିଛନ୍ତି। ଶଙ୍କରଙ୍କ ମା’ ଦିବ୍ୟାମଙ୍ଗଳ ଶଙ୍କରଙ୍କ କହିବା ଅନୁସାରେ ଛୋଟବେଳରୁ ହିଁ ତାଙ୍କ ପୁଅର ରୁବିକ୍ସ କ୍ୟୁବ୍ ପ୍ରତି ଏଭଳି ଏକ ଆକର୍ଷଣ ରହିଛି। ମାତ୍ର ୬ ବର୍ଷ ବୟସରୁ ସେ ରୁବିକ୍ସ କ୍ୟୁବ୍ ଖେଳ ଆରମ୍ଭ କରି ସଫଳତା ହାସଲ କରିଛନ୍ତି। ଶଙ୍କର ସବୁବେଳେ ରୁବିକ୍ସ କ୍ୟୁବ୍ ହାତରେ ଧରି ଖେଳୁଥାନ୍ତି। ଆଉ ଏହି ଖେଳ ପ୍ରତି ଛୋଟବେଳରୁ ତାଙ୍କର ଆକର୍ଷଣ ହିଁ ତାଙ୍କୁ ଖୁବ୍ଶୀଘ୍ର ଏହି ସଫଳତା ଦେଇପାରିଛି। ଏବେ ସେ ମାତ୍ର ୯ ବର୍ଷ ବୟସରେ ମଗାମିକ୍ସ (୧୨ ଫେସ୍ ଥିବା ଏକ ପ୍ରକାରର ରୁବିକ୍ କ୍ୟୁବ୍) ବି ସମାଧାନ କରିପାରୁଛନ୍ତି। ତେବେ ଶଙ୍କରଙ୍କର ରୁବିକ୍ସ କ୍ୟୁବ ସମାଧାନ ଅଭ୍ୟାସ ଏତେ ଅଧିକ ହୋଇଯାଇଛି ଯେ, ଏବେ ସେ ପାଣି ଭିତରେ ଥାଇ ବି ଏହି ସମାଧାନ କରିପାରୁଛନ୍ତି। କେବଳ ସେତିକି ନୁହେଁ ଶଙ୍କର ସ୍କେଟିଂ ବି ଅଭ୍ୟାସ କରୁଛନ୍ତି ଆଉ ଏହି ସ୍କେଟିଂ ସମୟରେ ବି ସେ ରୁବିକ୍ସ କ୍ୟୁବ ସମାଧାନ କରି ରେକର୍ଡ କରିପାରିଛନ୍ତି।
