ପ୍ରତିବର୍ଷ ଅକ୍ଟୋବର ୩୧ରେ ସମଗ୍ର ବିଶ୍ୱରେ ବିଶ୍ୱ ମିତବ୍ୟୟିତା ଦିବସ ପାଳନ କରାଯାଉଥିବା ବେଳେ ଆମ ଦେଶ ଭାରତରେ ଏହା ପ୍ରତିବର୍ଷ ଅକ୍ଟୋବର ୩୦ରେ ପାଳନ କରାଯାଇଥାଏ।
ଟଙ୍କା ସଞ୍ଚୟ କରିବା ହେଉଛି ଏକ ଶିକ୍ଷା, ଯାହାକୁ ଆମେ ଆମ ପିଲାଦିନରୁ ମାତାପିତାଙ୍କଠାରୁ ଶିଖିଥିଲୁ। ଅବଶ୍ୟ ଏହା ଆମ ଜୀବନର ଶେଷ ପର୍ଯ୍ୟାୟରେ ଅଧିକ ଗୁରୁତ୍ୱପୂର୍ଣ୍ଣ ହେଲା। କାରଣ ବ୍ୟକ୍ତିଗତ ସ୍ତରରେ ପ୍ରତ୍ୟେକ ବ୍ୟକ୍ତିଙ୍କ ପାଇଁ ଟଙ୍କା ସଞ୍ଚୟ କରିବାର ଆବଶ୍ୟକତା ରହିଛି। ଦେଶର ବିକାଶରେ ଦେଶର ଅର୍ଥନୈତିକ ଅଭିବୃଦ୍ଧି ପାଇଁ ଅର୍ଥ ସଞ୍ଚୟ କରିବା ମଧ୍ୟ ଗୁରୁତ୍ୱପୂର୍ଣ୍ଣ ଅଟେ।
୧୯୨୪ ଅକ୍ଟୋବର ୩୦ରେ ଇଟାଲୀର ମିଲାନରେ ପ୍ରଥମ ଅନ୍ତର୍ଜାତୀୟ ସେଭିଙ୍ଗ ବ୍ୟାଙ୍କ (ଓ୍ବାଲର୍ଡ ସୋସାଇଟି ଅଫ୍ ସେଭିଙ୍ଗ ବ୍ୟାଙ୍କ) ସମୟରେ ବିଶ୍ୱ ସଞ୍ଚୟ ଦିବସ ପ୍ରତିଷ୍ଠା କରାଯାଇଥିଲା। ଇଟାଲୀର ପ୍ରଫେସର ଫିଲିପ୍ପୋ ରବିଜା ଏହି ଦିନ କଂଗ୍ରେସର ଶେଷ ଦିନରେ ‘ଅନ୍ତର୍ଜାତୀୟ ସଞ୍ଚୟ ଦିବସ’ ଘୋଷଣା କରିଥିଲେ।
ସାରା ବିଶ୍ୱରେ ସଞ୍ଚୟକୁ ପ୍ରୋତ୍ସାହିତ କରିବା ପାଇଁ ଏହି ଦିବସ ପାଳନ କରାଯାଉଛି। ପ୍ରାରମ୍ଭରେ, ବିଦ୍ୟାଳୟ, କାର୍ଯ୍ୟାଳୟ, ମହିଳା ସଙ୍ଗଠନ, କ୍ରୀଡ଼ା ଇତ୍ୟାଦି ସହଯୋଗରେ ଅର୍ଥ ସଞ୍ଚୟର ମହତ୍ତ୍ୱ ବିଷୟରେ ଲୋକଙ୍କୁ ଅବଗତ କରାଯାଇଥିଲା। ସେହିଦିନଠାରୁ ସଞ୍ଚୟ ପ୍ରତି ଲୋକଙ୍କ ଆଗ୍ରହ ବଢ଼ିଛି।